Tamarix

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tamarix
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Orden: Caryophyllales Familia: Tamaricaceae Chenero: Tamarix
Nomenclatura binominal
Tamarix
L.

Tamariza^[1] ye a denominación común d'as especies d'o chenero Tamarix, propias de zonas secas y salobrals u suelos salobrencos.

Descripción

Son arbustos con fuella perén u caduca u árbols chicos entre 1 y 15 m d'altaria.

As ramas son finas y o follamen gris verdenco. A crosta d'as brancas chóvens ye lisa y royenca-parda. Con a edat se fan rugosas y de color porpra. As fuellas tienen 1–2 mm y se solapan, a sobén tienen secrecions incrustadas de sal.

As flors son blancas u rosencas, están en densas masas de 5–10 cm en as puntas d'as brancas en primavera y verano (fueras de T.aphylla).

Cada flor puet producir mils de simients d'1 mm de diametro, contenidas en una chicota capsula por un regular adornada con una tufa de pelos que aduyan a que l'aire se las leve (dispersión anemofila). Tamién pueden dispersar-sen con l'augua. A cherminación desiche que o suelo siga saturau muitos días.

Ecolochía

En os salobrals plegan a tolerar dica 15000 ppm de NaCl y tolerar alcalis. Ye capable d'aproveitar l'augua sotorrana, con una radices que plegan dica o livel freatico. Aturan a expansión d'atras plantas absorbendo sal que acumulan en o suyo follamen en forma de concreccions que dimpués cayen a lo suelo, a on se concentra estando verenoso pa atras plantas. Tamién ye adaptau a cremar-se y tornar a rechitar.

Especies

Tamarix africana Tamarix androssowii Tamarix aphylla Tamarix arceuthoides Tamarix austromongolica Tamarix boveana Tamarix canariensis Tamarix chinensis Tamarix dalmatica Tamarix dioica Tamarix elongata

Tamarix gallica Tamarix gansuensis Tamarix gracilis Tamarix hampeana Tamarix hispida Tamarix hohenackeri Tamarix indica Tamarix jintaenia Tamarix juniperina Tamarix karelinii Tamarix laxa

Tamarix leptostachys Tamarix meyeri Tamarix mongolica Tamarix parviflora Tamarix ramosissima Tamarix sachuensis Tamarix smyrnensis Tamarix taklamakanensis Tamarix tarimensis Tamarix tenuissima Tamarix tetrandra

En a val d'Ebro a especie mes comuna de tamariza ye Tamarix gallica, pero en a salada de Chiprana a que ye present ye Tamarix boveana. Son intresants as selvas galería de Tamarizas en a Val Cuerna, o tamarizal d'o Vedau de Penyaflor y o tamarizal d'El Planerón.

Referencias

1. (es) Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, ISBN 84-398-7906-7, p. 29