Tarras

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Tarras
Localidat de Nueva Zelanda

Tarras
Estau
 • Rechión
 • Districto 		 Nueva Zelanda
Otago
Otago Central
Altaria
 • Meyana
290 m.
Coordenadas
44°50′″S 169°25′″E
Tarras ubicada en Nueva Zelanda
Tarras
Tarras
Tarras en Nueva Zelanda

Tarras ye un chicot asentamiento rural situau en a rechión d'Otago Central, en a Isla d'o Sud de Nueva Zelanda.

Tarras se troba situada sobre as laderas en o punto mas alto d'a val de Clutha, chunto a la Carretera Nacional 8. Ye a primera localidat que se troban os viachers que van enta o sud por o paso de Lindis y ye amán d'a intersección a on os viachers que vienen d'o Mont Cook s'endrezan ta l'ueste enta Hawea, Wanaka y o paso de Haast.

A mayoría de granchas en o districto de Tarras s'adedican a la crianza de uellas, mas que mas d'a raza merino, d'as que se quita una lana de gran calidat. Atras manimenos tienen atras variedat de uella u ciervos. Dende a introducción de grans sistemas de riego en 2010, muitas granchas han prencipiau a criar vacas.

Dende l'anyo 2000 bi ha vinyals en a rechión, mas que mas d'a variedaz pinot noir y riesling. Os vinals de Tarras s'agrupan en a sub-rechión de Bendigo.[1]

Tarras ye una d'as zonas mas ixutas de Nueva Zelanda, con un promedio de precipitacions anyal d'entre 300 y 500 mm.[2]

Servicios

[editar | modificar o codigo]

A escuela de Tarras ye conoixida en tot o país por a publicación por parti de collas d'amigos entre os suyos alumnos de cuantos libros sobre Shrek, a uella merina ermitanya.

Destaca tamién a ilesia de Tarras (anglicana y presbiteriana), famosa por os suyos bancos, fabricaus ta celebrar o centenario d'o sufrachio universal femenino en Nueva Zelanda.

O grupo Tarras Rural Women (en aragonés "Mullers rurals de Tarras") ye responsable d'a publicación d'o periodico Tarras Talk.

Tarras Tearooms ye una historica tabierna emplegada como punto d'aturada entre os viachers que trescruzan o paso de Lindis.

Subrechion vinicola

[editar | modificar o codigo]

A redolada de Tarras s'incluye en a subrechión vinicola de Bendigo, una d'as mas destacadas aintro d'a rechión vinicola d'Otago Central, y que tien bellas d'as mas importants bodegas y vinyals. Como en atras partis d'ista rechión vinicola, a prencipals variedat d'uga d'a zona ye a pinot noir, con bels vinyals de pinot gris y riesling.

Bibliografía

[editar | modificar o codigo]
  • Duff, Geoffrey P. Sheep May Safely Graze: The Story of Morven Hills Station and the Tarras District, Central Otago. The Author, 1978.
  • A Tapestry of Tarras: Local Stories Told in Stitches. Dunedin: [Women’s Division of Federated Farmers, Tarras Branch, 1997].

Vinclos externos

[editar | modificar o codigo]

Referencias

[editar | modificar o codigo]
  1. ↑ (en) Bendigo Vineyards and Wineries. Central Otago Winegrowers Association
  2. ↑ (en) Lindis catchment and Bendigo-Tarras Basin: Information Sheet. Otago Regional Council. Abril de 2014