Tauro (astrolochía)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Representación y simbolo de Tauro

Tauro^[1] ye o segundo signo astrolochico d'o zodiaco que ye cruzau por o Sol entre o 20 d'abril y o 20 de mayo alto u baixo y seguntes os anyos. Iste signo s'asocia historicament con a constelación de Tauro. En bellas cosmogonías Tauro ye ligau con l'elemento clasico d'a Tierra y se clasifica, alavez, como un signo de tierra y de cualidat fixa.

Ye rechiu por a planeta y divinidat Venus, si bien bels astrologos consideran que o suyo rechent moderno hauría d'estar a planeta nana Ceres. As suyas colors son o rosa y o verde fosco y as piedras con as que s'identifica son o cuarz rosa y a esmeralda.

En l'arquetipo de personalidat de Tauro i apareixen, seguntes a mayor parti d'a comunidat astrolochica, caracteristicas tals como a lentitut de reacción, a perseverancia, l'obstinación, a escasez d'expresividat comunicativa, a posesividat, tanto material como en as relacions humanas, y a fuerza de voluntat.^[2]

Os tauros fan pacha mas que mas con os atros signos de tierra (Virgo y Capricorno) y con os signos d'augua difueras de, con matices, Escurpión por estar-ne o suyo oposau igual que mantiene una fuerte incompatibilidat con León y Acuario. Manimenos, iste cuadro de compatibilitaz y incompatibilitaz no reflecta un perfil individual u lectura individual tal como s'interpreta adrintro de l'astrolochía, sino que reflecta una orientación cheneral y a referencia a la compatibilidat seguntes lo que ye dictau por variables como cualidaz y elementos en o zodiaco.^[3]

O simbolo que representa iste signo ye un cerclo con dos cuernos, imitando a un toro, encara que en alquimia o mesmo signo se refiere a o bismuto.

Se veiga tamién

• Tauro (constelación)

Referencias

1. (an) Los nombres d'os signos zodiacals: Aries, Tauro, Cheminis, Cancro, León, Virgo, Libra, Escurpión, Sachitario, Capricorno, Acuario y Pisces. "Gramática basica de l'aragonés", Estudio de Filología Aragonesa. Prensas de la Universidad de Zaragoza. Pach. 40. ISBN 978-84-1340-204
2. (ca) "Les històries que amaguen les estrelles". Antoni Janer. Sàpiens num. 75, chinero de 2009, p. 42-45, Barcelona. ISSN 1695-2014
3. (en) The Diagram Group, The Little Giant Encyclopedia of The Zodiac, p 171, Sterling Publishing Company, New York, 1997

Signos d'o zodiaco
Aries • Tauro • Cheminis • Cancro • León • Virgo • Libra • Escurpión • Sachitario • Capricorno • Aquario • Pisces