Tenochtitlán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mapa d'o laco de Texcoco con a situación de Tenochtitlán en 1519, cuan hi plegoron os conquistadors espanyols d'Hernán Cortés.

A ciudat de Tenochtitlán yera una ciudat antiga, capital de l'Imperio Mexica (tamién conoixito como azteca). Fue establita por os mexicas en l'anyada 1325 y se convertió mientres o suyo dominio en a ciudat mas poderosa de Mesoamerica dica l'anyada 1521, cuan fue destruita por os conquistadors espanyols d'Hernán Cortés, que destruyoron l'estato mexica con a dita Conquiesta de Mexico y facioron d'a ciudat a capital d'una nueva colonia, que hue ye en a Ciudat de Mexico, a capital de Mexico.

Encara que no se conoix exactament cuala yera a suya población ni cual yera a superficie ocupata por a ciudat, se diz que teneba alto u baixo 8 km² y que a suya población yera d'arredol de 100.000 habitants (estando asinas una gran ciudat, que en Europa nomás teneba mas habitants Costantinoble, con 200.000, París on 250.000 y Venecia con 160.000.

Se trobaba en o laco de Texcoco, construita orichinalment dencima de tres chicotas islas d'o laco, Tenochtitlán, Tlatelolco y Nonalco, encara que cuan hi plegoron os espanyols s'heban adhibito tamién as chicotas islas de Tultenco y Mixhuca. Yera conectata con tierra firme por meyo de bellas calzatas elevatas sobre as auguas d'o laco, construitas por piedras, fusta y tierra. Antiparte, as auguas d'o laco s'emplegaban no nomás ta la pesca, sino tamién ta cultivar-ie (en as ditas chinampas) alimentos vechetals. Istas chinampas, con o tiempo, se convertioron en tierra firme, enamplando asinas poquet a poquet a superficie emerchita d'as auguas d'o laco.

Vinclos externos

• Se veigan as imáchens de Commons sobre Tenochtitlán.