The Frisco Kid
The Frisco Kid (títol orichinal en anglés, en aragonés O mesache de Frisco, enguerada en Aragón con o títol en castellano d'El rabino y el pistolero, en aragonés O rabín y lo pistolero) ye una cinta de cine estausunidense de cine de western comico de l'anyo 1979 dirichida por Robert Aldrich seguntes un guión orichinal de Michael Elias, Frank Shaw y Gene Wilder, con una dirección de fotografía de Robert B. Hauser, una banda sonora orichinal de Frank De Vol, una producción cinematografica de Mace Neufeld ta la productora cinematografica Warner Bros. y un elenco formau por os actors Gene Wilder, Harrison Ford, Ramon Bieri, Val Bisoglio, George Ralph DiCenzo, Leo Fuchs, Penny Peyser, William Smith, Jack Somack, Beege Barkette, Shay Duffin, Walter Janowitz, Frank De Vol, Joe Kapp y Clyde Kusatsu, en os suyos papels principals.
Avram Belinsk ye un rabín recient licenciau en una yeshivá en Polonia que marcha de camín enta San Francisco en California en os Estaus Unius a on ha d'estar o rabín d'os chodigos d'a ciudat. Leva con él un rollo d'a Torah ta la suya sinoga. Cuan plega en Philadelphia ye victima de tres tasapalluz, os chirmans Matt y Darryl Diggs y Jones, que l'enganyan ta mercar una carreta en teoría ta marchar de camín enta l'ueste y ta bien luego dixar-lo albandonau en bel meyo d'o camín. Tanimientres, decide continar a piet o viache, con cuantas peripecias, dica que troba a Tommy Lillard, un ladrón de bancos a qui li caye bien o rabino y li da angunia la suya inchenuidat. Acompanyau por Tommy, continan as peripecias d'o rabín mientres que contina lo suyo viache y cuan tornan a trobar a los tres tasapalluz que l'heban robau, o rabín se veye obligau a disparar, matando a un d'éls. Dimpués d'ixo, dubda de si será un buen rabín, y mesmo si puet estar-ne.
A cinta s'ambienta en Philadelphia y San Francisco en os anyos 1850 y las suyas escenas se filmoron en Tucson y atras localidaz en Arizona, en localidaz de Colorado y en Burbank en California.[2]
Ye una cinta que ha recibiu bels premios y nominacions. Tanimientres, garra d'éls preteneixe a los premios cinematograficos mas conoixius u destacaus.
Elenco[3]
[editar | modificar o codigo]| Actor | Papel | Notas |
|---|---|---|
| ' |
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 (en) Enguero de The Frisco Kid en Internet Movie Database.
- ↑ (en) Localizacions de The Frisco Kid en Internet Movie Database.
- ↑ (en) The Frisco Kid en Internet Movie Database.
