The Professionals (cinta de 1966)

Iste articlo ye sobre una cinta de cine de sestern estausunidense enguerada en 1966; ta atros usos, se veiga The Professionals y The Professionals (cinta).

The Professionals
Títol	The Professionals

Ficha tecnica
Dirección	Richard Brooks
Aduyant de dirección	Tom Shaw
Dirección artistica	Ted Haworth
Producción	Richard Brooks
Guión adaptau	Richard Brooks
Basau en	A Mule for the Marquesa, novela de Frank O'Rourke (1964)
Musica	Maurice Jarre
Soniu	Del Harris Jack Haynes William Randall Charles J. Rice Kay Rose
Fotografía	Conrad L. Hall
Montache	Peter Zinner
Escenografía	Frank Tuttle
Maquillache	Robert J. Schiffer
Peluquería	Jackie Bone
Efectos especials	Willis Cook Chuck Gaspar
Actors	Burt Lancaster Lee Marvin Claudia Cardinale Robert Ryan Woody Strode Jack Palance Ralph Bellamy Joe De Santis Rafael Bertrand
Color	Technicolor Panavision
Datos y cifras
País(es)	Estaus Unius
Anyo	1966
Debantadera	2 de noviembre de 1966 Nueva York (Nueva York, Estaus Unius)^[1] 4 de noviembre de 1966 Estaus Unius^[1]
Chenero(s)	Cine de western
Durada	117 min.
Idioma(s)	Anglés Castellano
Companyías
Productora(s)	Pax Enterprises
Distribución	Columbia Pictures
Recauto	19,5 millons de dólars
Informacions en bases de datos especializadas:

The Professionals (títol otichinal en anglés, en aragonés Os profesionals, enguerada en Aragón con o suyo títol traduciu enta lo castellano como Los profesionales) ye una cinta de cine estausunidense de cine de western enguerada l'anyo 1966, dirichida por Richard Brooks seguntes un guión adaptau por él mesmo (basau en A Mule for the Marquesa, una novela que heba publicau l'escritor Frank O'Rourke l'anyo 1964), con una banda sonora orichinal de Maurice Jarre, una producción cinematografica d'o mesmo director Richard Brooks ta la productora cinematografica Pax Enterprises y un elenco formau por os actors Burt Lancaster, Lee Marvin, Claudia Cardinale, Robert Ryan, Woody Strode, Jack Palance, Ralph Bellamy, Joe De Santis y Rafael Bertrand, en os suyos papels prencipals.

En os anyos 1910, mientres os zaguers anyos d'a clamada Revolución mexicana, JW Grant ye un cabalero ranchero que contracta a un grupo d'expertos hombres d'armas ta que liberen a su muller, María, a qui ha secuestrau Jesús Raza, un antigo líder revolucionario mexicano que parixe haber-se convertiu en un bandolero. Los pistoleros contractaus incluyen a dos hombres que heban combatiu en as filas d'os revolucionarios de Pancho Villa y que conoixen a Raza, de qui son mesmo amigos. Nomás dentrar en [[Mexico] en persecución d'os secuestradors, prencipian a trobar problemas, pero finalment consiguen dentrar en o campamento de Raza ta liberar a María. Tanimientres, troban que ista ye a punto de fer l'amor con o suyo presunto secuestrador, pero voluntariament y no pas forzada, y en ixe momento sacan la entrega de que no se lis ha explicau toda la verdat d'o caso. Cuan consiguen levar-se a María son perseguius por os hombres de Raza, y ixa nueit María explica a los cuatro pistoleros que en realidat mai no ha estau secuestrada so que maarchó voluntariament con Raza, que yera lo suyo amant y esposo de feito antes de que Grant la mercase como esposa. Pero como los pistoleros han comprometiu la suya palabra, plegan en os Estaus Unius con la esposa presuntament secuestrada y tamién con o presunto secuestrador a qui consiguen capturar en un ataque, ta entregar toz dos a Grant, qui los heba contractau.