The Shootist

The Shootist
Títol	The Shootist
Póster d'a cinta, obra de Richard Amsel.
Ficha tecnica
Dirección	Don Siegel
Aduyant de dirección	Joseph C. Cavalier
Producción	M.J. Frankovich William Self
Disenyo de producción	Robert F. Boyle
Guión adaptau	Miles Hood Swarthout Scott Hale
Basau en	The Shootist, novela de Glendon Swarthout (1975)
Musica	Elmer Bernstein
Fotografía	Bruce Surtees
Montache	Douglas Stewart
Escenografía	Arthur Jeph Parker
Maquillache	Joe DiBella Dave Grayson
Peluquería	Vivienne Walker
Efectos especials	Augie Lohman David Domeyer Ted Koerner
Actors	John Wayne Lauren Bacall Ron Howard James Stewart Richard Boone John Carradine Scatman Crothers Richard Lenz Harry Morgan Sheree North Hugh O'Brian
Color	Technicolor
Datos y cifras
País(es)	Estaus Unius
Anyo	1976
Debantadera	16 de chulio de 1976 Carson City (Nevada, Estaus Unius)^[1] 21 de chulio de 1976 Estaus Unius^[1]
Chenero(s)	Cine de Western Cine de drama
Durada	100 min.
Idioma(s)	Anglés
Companyías
Productora(s)	Paramount Pictures Dino De Laurentiis Company Polyphony Digital
Distribución	Dino De Laurentiis Company
Estudio(s)	Warner Brothers Burbank Studios Paramount Studios
Recauto	13,4 millons de dólars
Informacions en bases de datos especializadas:

The Shootist (títol orichinal en anglés, en aragonés O tirador, enguerada en Aragón con o títol en castellano d'El último pistolero, en aragonés O zaguer pistolero) ye una cinta de cine estausunidense de l'anyo 1976 de cine de western dramatico dirichida por Don Siegel seguntes un guión adaptau por Miles Hood Swarthout y Scott Hale (basau en a novela The Shootist, publicada por Glendon Swarthout en 1975, qui ye lo pai de Miles Hood Swarthout), con una banda sonora orichinal d'Elmer Bernstein, una dirección de fotografía de Bruce Surtees, una producción cinematografica de M.J. Frankovich y William Self ta las productoras Paramount Pictures, Dino De Laurentiis Company y Polyphony Digital, y con un elenco d'actors formau, entre d'atros, por John Wayne, Lauren Bacall, Ron Howard, James Stewart, Richard Boone, John Carradine, Scatman Crothers, Richard Lenz, Harry Morgan, Sheree North y Hugh O'Brian.

John Bernard "JB" Books ye un antigo "sheriff" con muitos anyos d'edat que tamién ha estau pistolero y que plega en chinero de l'anyo 1900 en a ciudat de Carson City en Nevada ta consultar con E.W. "Doc" Hostetler, un medico a qui conoix de fa cuantos anyos. Iste li confirma lo que un atro medico ya li ha dito: que ye malauto por un cáncer muit abanzau y que li quedan pocas semanas de vida. En a ciudat tamién i viven bels d'os suyos enemigos y lo "sheriff" d'o lugar li demana que marche ta evitar conflictos. Tamién li diz que marche la propietaria d'a casa de huespedes a on ye fendo estada, preocupada porque li ha mentiu en dar o nombre cuan se i presentó y por l'efecto que puet provocar en su fillo. Tanimientres o "sheriff" accepta que se quede cuan veye que l'enfrontinamiento con os enemigos de Books fará desaparixer a bels delincuents y la propietaria d'a casa de huespedes accepta en saber que ye malauto y que mirirá bien luego. D'atra man, poquet a poquet la muller y Boooks prencipian a confiar l'uno en l'atro, a la vegada que Books descubre que muitas personas nomás que tienen intrés en os diners.

The Shootist s'ambienta en a ciudat de Carson City en Nevada en l'anyo 1900 y las suyas escenas se filmoron en ixa mesma ciudat y en os Warner Brothers Burbank Studios en Burbank en California y en os Paramount Studios en Los Angeles, tamién en California.^[2]