Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O Canadarm 2, un brazo robotico d'a Estación Espacial Internacional. Se controla fendo calculos d'a posición de l'astronauta con funcions trigonometricas.
A trigonometría (d'o griegotrigōnon "trianglo" + metron "mida", "a mida de trianglos") ye una branca d'as matematicas que tracta as relacions internas d'os trianglos. Tien relación dreita con a cheometría, estando una d'as bases d'a cheometría analitica. As magnituz esencials que s'emplegan son a distancia y l'anglo.
Tien muitas aplicacions: a tecnica d'a triangulación se fa servir en astronomía ta mesurar a distancia ta estrelas amanatas, en topografía ta fer mapas e en sistemas de navegación por satelite.
O trianglo ABC ye un trianglo rectanglo en C; lo usaremos ta definir as funcions sino, cosino y tanchent, de l'anglo , correspondient a lo vertiz A, situato en o centro d'a circumferencia.
O sino (abreviato como sin) ye a razón entre o cateto concarato ta l'anglo y a hipotenusa:
O cosino (abreviato como cos) ye a razón entre o cateto adchacent y a hipotenusa:
A tanchent (abreviato como tan u tg) ye a razón entre o cateto concarato y l'adchacent, u tamién, o cocient d'o sino entre o cosino:
Se definen a cosecant, a secant e a cotanchent, como as razons inversas a lo sino, cosino e tanchent:
A cosecant (abreviata como csc u cosec) ye a razón inversa d'o sino, u tamién o inverso multiplicativo d'o sino:
A secant (abreviata como sec) ye a razón inversa d'o cosino, u tamién o inverso multiplicativo d'o cosino:
A cotanchent (abrebiata como cot u cta) ye a razón inversa d'a tanchent, u tamién o inverso multiplicatibo d'a tanchent:
As relacions trigonometricas emplegatas mas a sobén son o sino, o cosino y a tanchent. Os termins cosecant, secant e cotanchent nomás se gosan emplegar si permiten que as expresions matematicas se simplifiquen muito, u si bi ha bel intrés especifico en nombrar-las.
En trigonometría, cuan l'anglo s'expresa en radians, se gosa decir tamién arco (un radián ye l'arco de circumferencia de longaria igual a o radio); por ixo as funcionstrigonometricas inversas prencipian por o prefixo arco.