Ultrapuertos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ultrapuertos Nafarroa Beherea Baxenabarre
Provincia d'Euskal Herria
Bandera Escudo
Entidat  • País  • Estau	Provincia País Basco francés Francia
Capital	Sant Chuan Piet de Puerto
Idioma oficial  • Luenga propia	Francés Basco
Superficie  • Total	1 325 km²
Población  • Total (2006)  • Densidat	29 983 hab. 22 hab/km²
Ultrapuertos en Euskal Herria

Ultrapuertos u Baixa Navarra (Nafarroa Beherea u Baxenabarre en basco) ye una d'as siet provincias tradicionals que forman Euskal Herria y una d'as merindaz historicas de Navarra. Forma la parti central d'Iparralde, y perteneixe a lo departamento d'os Pireneus Atlanticos de Francia.

Cheografía

Muga a lo sud con Navarra, a l'este con Sola, a l'ueste con Labort y a lo norte con o departamento d'as Landas. A suya capital ye Sant Chuan Piet de Puerto (en basco Donibane Garazi, en francés St.Jean-Pied-de-Port).

Ye dividito oficialment en 3 cantons y tradicionalment en as 6 comarcas d'Ultrapuertos.

Toponimia

O suyo nombre tradicional en navarro-aragonés ha estau Ultrapuertos. Dica epoca moderna no recibe o nombre de Baixa Navarra en diferents idiomas, por influencia d'o francés (Basse Navarre), igual que atras provincias de Francia como Alta y Baixa Normandía.

Historia

En a Edat Meya fació parte d'o reino de Navarra. D'alcuerdo con J.B Orpustán os centros ya un poquet urbanizatos yeran en parte gasconizatos, u con bels habitadors gascons como se deduce d'a toponimia y antroponimia, ya que yeran lugars de paso dende Gascunya ta Navarra u Castiella, por a on pasaban os pelegrins que iban ta Santiago de Compostela u por a on i pasaban comerciants.

En 1512 lo invadió Ferrando lo Catolico y lo adhibió a la Corona de Castiella, estronando a los reis Catarina de Foix i Chuan III de Labrit. En 1530 Carlos I renunció a la Baixa Navarra (ye decir, a Ultrapuertos) debito a motivos estratechicos, ya que a suya situación a lo norte d'o Pireneu la feba inesfensable, inte que aproveitoron os reis ta establir-sen, de modo que iste territorio permanixió como a unica resta independient d'o reino de Navarra, dica 1610, cuan Henrique III reunió a Corona francesa y a navarra.

Merindaz historicas de Navarra
Estella | Olit | Pamplona | Sangüesa | Tudela | Ultrapuertos

Provincias tradicionals d'Euskal Herria (País Basco)
País Basco espanyol u Hegoalde : Alaba | Bizcaya | Guipuzcua | Navarra País Basco francés u Iparralde : Labort | Sola | Ultrapuertos