Uzbekos
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Uzbekos Ўзбеклар | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||
|
| |||||||||||||||||||||
 Uzbekistán 21,9 millons | |||||||||||||||||||||
| |||||||||||||||||||||
| Uzbeko | |||||||||||||||||||||
| Islam | |||||||||||||||||||||
.svg){kind=small}
Os uzbekos[2] (en uzbeko Oʻzbeklar, Ўзбеклар, اوزبکلر) habitan en Uzbekistán y zonas mugants de Cazaquistán, Kirguizistán, Afganistán, y Turkmenistán. En Uzbekistán son minoritarios en as rechión_nativa1 de Taixquent (47 %) y Caracalpaquia (33 %). Charran una luenga turquica d'a branca carluca y son musulmans sunnitas. O modo de vida tradicional ye l'agricultura de regano. Son o segundo pueblo turquico mes lumeroso dimpués d'os turcos anatolicos. Se crei que son 18.500.000 individuos, d'os cuals 16.600.000 viven en Uzbekistán, os 1.300.000 d'Afganistán descienden de refuchiatos d'as decadas de 1920 y 1930. En Xinjiang bi n'ha 12.500.
Modo de vida tradicional
[editar | modificar o codigo]Os uzbekos, uigurs y altayos practicaban o cautivo de civada fendo servir l'aladro u a xata. Combinaban l'agricultura con o pastoreyo transhumant. Os contactos con os rusos aceleroron a formación d'una agricultura mes intensiva. En un ecosistema d'estepas y semidesiertos o principal problema ye l'augua, por o que l'agricultura se concentra en os oasis y riberas d'as vals fluvials. Os uzbekos y uigurs fan servir dos tecnicas de trasporte d'augua, a canalización superficial de l'augua de ríos y manantials y a costrucción de canyos (karez), o que tien como avantalla que s'evita a evaporación.
Uzbekistán estió a rechión agricola mes productiva d'a ex-URSS. Antigament l'agricultura no se practicaba que en as costeras d'os monts y as riberas y o resto d'o territorio se dedicaba a la ganadería. As dos formas de subsistencia enantes d'a sovietización yeran o cautivo intensivo d'os oasis y o pastoreyo nomada.
A fins d'o sieglo XIX l'agricultura tradición se veyió progresivament substituyida por o monocautivo de cotón, amaneixendo-ie arredol industrias textils. Tamién fuoron amaneixendo molins d'azaite y destilerías de vodka. Huei as principals zonas de cautivo siguen estando os oasis como os de Fergana u Golodnaya Step, en os que han costruito muitas canals d'irrigación. As principals produccions son as fruitas, a roz, as trunfas, o trigo, as hortalicias y a seda, asinas como a producción masiva d'a pelleta d'Astrakhán, a partir d'a uella carasul.
Luenga
[editar | modificar o codigo]L'idioma uzbeko perteneixe a la branca carluca d'as luengas turquicas y ye pareixito a l'idioma uigur. O estándard creyato en a epoca sovietica se basaba en os dialectos de Fergana y Taxquent. S'abandonó l'alfabeto arabico tradicional en 1923.
Historia
[editar | modificar o codigo]As tribus dirichitas por a dinastía Shaibaní a lo norte d'o Aral a fins d'o sieglo XIV yeran conoixitas como uzbekos. En o sieglo XV o Shaibaní Abu-Ghazí prebó d'establir un estato uzbeko en Transoxiana, pero bellas tribus li s'oposoron y s'establioron entre o Sir Daria y o Laco Balkhaix estando l'orichen d'os cazacos.
O nieto d'Abu-Ghazí reemprendió a expansión uzbeka en 1500 ocupando Sarmagant, Bukhara y Khorezm y dimpués Taxquent y Fergana. No podió dominar Corastén, on se topetó con o creyador de l'Imperio Safavida, o Xah Ismail, qui lo derrotó en 1510 en Merv. O dominio uzbeko se dividió en khanatos rivals, pero o shaibaní Abdulá Khan, qui reinaba en Bukhara podió reunir baixo a suya autoridat toz os khanatos uzbekos en 1583 y ocupar Corastén y Seistán dica que o xah Abbas d'a dinastía Safavida lo derrotó, perdendo-se o poder shaibaní en 1599.
Dende o sieglo XVI os uzbekos se sedentarizoron y se fusionoron con a población sedentaria local. Asia Central perdió importancia como rota comercial por desembolique d'a navegación entre Occident y Extremo Orient. l'Imperio Safavida chiita d'Irán feba de barrera con atros países sunnitas. En o sieglo XVII s'imposoron as parlas turquicas d'os uzbekos en Khorezm, en Fergana y Transoxiana, on quedoron poblacions persofonas dimpués conoixitas como tachicos. Pa la chent d'ixa epoca a distinción principal yera entre nomadas, (turcomans y uzbekos encara no sedentarizatos), y sedentarios (ditos toz sartos, tanto os persofonos como os turcofonos).
Dimpués d'a caita d'os shaibanís a dinastía d'os yanís, orichinaria d'Astrakhan, s'establió en Bukhara. En Khorezm continó reinando una branca d'os shaibanís y cambioron Urgench por Khiva como capital. A fins d'o sieglo XVIII un shaibaní fació de Fergana o nuclio d'un khanato independient con capital en Cocand. Os khanatos uzbekos luitaban entre ellos y amés sufriban as incursions de saqueyo d'os turcmenios (turcomans que quedoron entre l'Aral y Caspia dimpués que atros turcomans emigroron ta Orient Meyo). A fins d'o sieglo XVIII os manquitís prenioron o títol d'emirs y substituyoron a los yanís en 1785 conseguindo creyar un estato estable. En Khiva amaneixió a dinastía d'os cungratís dende 1804 y tamién consolidó o suyo poder. En o sieglo XIX renaixió a vida urbana, se millororon os sistemas de regano y se desembolicó un comercio con Rusia.
A conquiesta rusa encomenzó en 1865 cuan prenioron Taixquent. Os rusos creyoron dos rechimens: l'administración directa en o gubierno de Turquestén, (que incluiba Taixquent, Fergana y Sarmagant) y o protectorau sobre o Emirato de Bukhara y o Khanato de Khiva, on se manteneba a tradición administrativa y relichiosa local. Manimenos amaneixió una burguesía turquestanesa que recibió o hadidismo d'os comerciants y intelectuals tartaros en Taixquent y Bukhara. En 1908 fan acto de presencia os "Chóvens Bukhareses", antirrusos, panislamicos y reformistas que copiaban o modelo d'os "Chóvens Turcos". En 1917 un congreso celebrato en Taixquent reunió a turquestaneses y tartaros. A mayor parte prefirió aliniar-se con os democratas de Rusia contra as cherarquías musulmanas conservadoras y creyar un estato islamico federato con o estato ruso. En octubre de 1917 os bolqueviques ocuporon Taixquent excluindo d'o gubierno a los intelectuals musulmans. En noviembre de 1917 en Cocand se proclamó o Estato Islamico autonomo de Turquestén. O soviet de Taixquent lanzó una expedición contra Cocand en febrero 1918 y se creyó en abril a RSSA de Turquestén. Os bolcheviques rematoron por fer concesions a lo islam porque no i teneban o refirme d'os colons rusos, d'esta traza bels liders d'o movimiento hadidista s'unioron a lo partiu comunista. En 1919 esclató en Fergana a revuelta d'os basmachis y s'estendilló por tot o sud de Turquestén dica Turcmenistán, que se fundió en 1922. En 1917 os musulmans innovadors demandoron reformas que no obtenioron. En setiembre de 1920 deposoron a lo emir con l'aduya de tropas rusas y establioron una republica popular sovietica que s'adhibió a la URSS en 1924. En Khiva se desvinió lo mesmo con a proclamación d'una republica popular en Khorezm en 1920 y l'anexión por a URSS en 1923. En a decada de 1920 y principios d'a decada de 1930 muitos uzbekos se refuchioron en Afganistán fuyindo d'as autoridaz sovieticas.
En 1924 se creyó a Republica d'Uzbekistán aplegando as rechión_nativa1 mes poblatas d'os antigos khanatos de Khiva, Bukhara y Kokand.
Referencias
[editar | modificar o codigo]- ↑ (es) Nacidos en el extranjero, residentes en Aragón en 2021. Instituto Aragonés de Estadística
- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Bibliografía
[editar | modificar o codigo]- Jean Sellier y André Sellier: Atlas de los pueblos de Oriente. Acento Editorial.
