Val Longuiello

	Val Longuiello; El Vallecillo
	Municipio d'Aragón
	; Cascant de lo Molín de Sant Pedro
Entidat; • País; • Provincia; • Comarca	Municipio; Aragón; Teruel; Sierra d'Albarracín
Partiu chudicial	Teruel
Superficie	21,68 km²
Población; • Total; • Densidat	; 37 hab. (2013); 1,71 hab/km²
Altaria; • Meyana	; 1421 m.
Distancia; • 55 km	; enta Teruel
Alcalde	Pascual Giménez Soriano
Codigo postal	44123
Parroquial; • Diocesi; • Arcipestrau; • Parroquia	; Teruel y Albarracín; Albarracín; Santísma Trinidat
Coordenadas	40°14’ 3’’N 1°33’59’’U
	Val Longuiello Val Longuiello en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre a localidad teruelana de El Vallecillo. Ta atros emplegos d'o toponimo Vallecillo se veiga Vallecillo (desambigación).

Val Longuiello (El Vallecillo en castellano) ye un municipio de la provincia de Teruel, situato en la comarca de la Sierra d'Albarracín. La suya población ye de 37 habitants, en una superficie de 21,68 km² con una densidat de 1,71 hab/km².

Cheografía

Ye situato en los Monts Universals cerca de lo río Cabriuel.

Lo termin municipal de Val Longuiello no muga que con Albarracín:

Por lo sud ye repitiau por una estreita francha d'o termin d'Albarracín que lo desepara d'a provincia de Cuenca.
Por l'este una menos estreita francha de terreno d'Albarracín correspondient a la redolada de Val de Sant Pedro lo desparte de Terrient, Toril y Masegoso.
En lo cabo norte cuasi muga con Moscardón.
A lo norueste muga con un apéndiz d'Albarracín mes amplo correspondient a Val de Cabriuel y lo Naixedero d'o Tacho.

Historia

Las contornatas d'esta localidat son unas vals (Val de Cabriuel, Val Mediano y Val de Sant Pedro) que los Azagra repobloron en lo zaguer cuarto de lo sieglo XII y adchudicoron a los suyos colaboradors. En primeras lo poblamiento yera disperso, en mases, y no se desembolicoron nuclios de población. La situación de muga con lo reino de Castiella, la fortaleza castellana de Veguiellas (actual Torre Fuerte), y los saqueyos no favoreixeban lo desembolique economico.

Estió lo Molín de Sant Pedro, en la Val de San Pedro lo centro economico de la redolada. Yera un molín farinero y de sierra. Dimpués en 1526 se i fació una ferrería. Los mediers de los mases d'ixas vals decidioron aplegar-sen en un nuclio rural pa defenser-sen y tener millors servicios, asinas amanrixió Val Longuiello. En ixas envueltas de lo sieglo XVI-XVII las chents de la Comunidat d'Albarracín que viviban fuera de los lugars, como ye lo caso de los de Toril, Masegoso y Val Longuiello son ditos Barranyos (Val Longuiello yera un nuclio en proceso de formación y no se consideraba una aldeya como los nuclios mes antigos). Los habitadors de Val Longuiello son consideratos barranyos de Fridas d'Albarracín por estar lo concello de Fridas lo encargato de la recaudación de las suyas peitas. En un censo de 1628 s'escribe:

barraños habitadores de Balle e Vallezillo y vezinos de la ciudad

Los habitadors de Val Longuiello yeran chents no propietarias de las tierras que treballaban y no tendrán churisdicción propia porque dica lo sieglo XIX lo Val Longuiello no s'adhibirá como aldeya independient de Fridas d'Albarracín dentro de la Comunidat d'Albarracín.

Toponimia

Lo primer nombre, en los sieglos XV-XVI ye Val Longuiello.^[1] Por lo que se vei n'esta zona Val ya yera masculín. En lo Libro de la Montería del rey Don Alfonso XI se menciona un Val Longuiello, localidaz de la Serranía de Cuenca y Osejón una penya que bi ha entre Collado de la Grulla, Lo Canyegral y Los Cortijos, en a muga entre Castiella y Aragón :

la una en la cañada del Cubiello, desde Val Longuiello fasta pasante el Osejón de a ojo de Tragacete;

Manimenos s'interpreta que este toponimo corresponde a l'actual pico Valhondillo de 1811 m, a cantos de lo Cubiello y a 11 km a l'este de Tragacet.^[2].

En lo censo de 1628 ya s'escribe Balle y Vallezillo. Ye posible que la palabra Balle fese referencia a Val Longuiello como entidat gran y Vallezillo fese referencia a una entidat menor que dimpués absorbería a l'anterior. En 1713 apareixe en lo censo de Campoflorido un Bellerillo que s'identifica con esta localidat.

Entre los microtoponimos mes intresants tenemos La Artiga, Las Artiguillas, Fuente de Valvidillo (se sape que por ixa zona en la Edat Meya i heba un Vadiello), Corral de la Rocha, Molleta, Barranco la Pera (talment relacionato con los monches de Piedra que teneban propiedaz en la redolata), Pozo del Correo, El Cambronar, Cueva de la Ubriga (Cueva Lobrega en la Edat Meya), El Poyal, La Canyada y Colochas. Como en atras localidaz de la Sierra d'Albarracín bi ha toponimos tipo La Peguera. En una prolongación de lo termin d'Albarracín que bi ha entre Val Longuiello, Masegoso y Terrient ye Hoyos Quemados, que en un texto de 1340 s'escribe Foyos Quemados.

Demografía

Evolución demografica

1992	1994	1996	1997	1998	1999	2000	2001	2002
-	-	-	-	43	72	69	62	53

2003	2004	2005	2006	2007	2008	2009	2010	2011
55	60	59	51	54	41	45	47	61

2012	2013	2014	2015	2016	2017	2018	2019	2020
54	52	50	60	59	49	48	47	44

2021	2022	2023	2024	2025	2026	2027	2028	-
39	41	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									1
Total									1

Alcaldes

Lista d'alcaldes
Lechislatura	Nombre	Partiu politico
1979–1983	Carpo Domingo Marín	CD
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Pascual Giménez Soriano	PP
2015–2019
2019–2023
2023–2027	Oscar Gimenez Muñoz ^[3]	PAR

Puestos d'intrés

Ilesia d'a Santísma Trinidat, sieglo XVIII.

Personalidaz naixitas de Val Longuiello

Categoría:Naixius de Val Longuiello

Fiestas

13 de chunio

Referencias

↑ (es) Juan Manuel Berges Sánchez: El Vallecillo. Rehalda, número 2, anyo 2005.
↑ (es) Jose Antonio Valverde: Anotaciones al Libro de la montería del rey Alfonso XI. Ediciones de la Universidad de Salamanca, 2009. p 830
↑ (es) Consulta el listado de alcaldes que han sido proclamados en Aragón en Heraldo de Aragón.

Bibliografía

(es) Juan Manuel Berges Sánchez: El Vallecillo. Rehalda, número 2, anyo 2005.

Vinclos externos

Municipios d'a comarca Sierra d'Albarracín
Albarracín \| Bezas \| Bronchales \| Calomart \| Chabaloyas \| Exea d'Albarracín \| Fridas d'Albarracín \| Griegos \| Guadalaviar \| Monterd d'Albarracín \| Moscardón \| Noguera d'Albarracín \| Oriuela \| Pozondón \| Rodenas \| Royuela \| Rubiales \| Saldón \| Terrient \| Toril y Masegoso \| Torres d'Albarracín \| Tramacastiella \| Val de Cuenca \| Val Longuiello \| Villar d'el Cobo

Datos: Q1641145
Multimedia: El Vallecillo / Q1641145

[1] (es) Juan Manuel Berges Sánchez: El Vallecillo. Rehalda, número 2, anyo 2005.

[2] (es) Jose Antonio Valverde: Anotaciones al Libro de la montería del rey Alfonso XI. Ediciones de la Universidad de Salamanca, 2009. p 830

[3] (es) Consulta el listado de alcaldes que han sido proclamados en Aragón en Heraldo de Aragón.

[1]

[2]

[3]