Viburnum lantana

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Viburnum lantana
Follamen y fruitos encara no maduros de tintilaina
Denominacions populars
Tintilaina, vetelaina, vetalaina, vetatanyo, chinchilaina, pitixaina, petichainera, petichera, mierdagato, merdagato [1]
Clasificación cientifica
Dominio:	Eucariotas
Reino:	Plantae
División:	Magnoliophyta
Clase:	Magnoliopsida
Orden:	Dipsacales
Familia:	Adoxaceae
Chenero:	Viburnum
Especie:	V. lantana
Descripción
Viburnum lantana Linné,

A tintilaina (Viburnum lantana Linné ye una planta anchiosperma y dicotiledonia d'a familia d'as Adoxaceae.

Fitonimia

O fitonimo d'esta especie en aragonés ye en muitos puestos tintilaina, interpretable a partir d'o latín TINCTILAGINEM, y con o sufixo -aina propio de fitonimos como borraina, ferraina y plantaina. Atras denominacions d'este especie presentan igualment o sufixo -aina. Tamién tiene o nombre de petichaina y petichainera.

Descripción

Ye un matiguer de fuella caducifolia, que puede alcanzar os 4 a 5 m de altura. As ramas son molsudas, grisiscas y flexibles. As fuellas son oposadas, aovadas y lanceoladas de bels 6–13 cm d'amplo y 4-9 de largo con puntetas en forma de sierra. Debaixo de a fuella ye molsuda con niervols bien marcaus. As chicotas flors (5 mm) hermafroditas, de color blanca sora, naixen en corimbos terminals y densos de 4–10 cm de diametro. A corola consta de 5 petalos rechuntaus, que forman un canyuto largo en o naixedero. Floreix en primerías de o verano y ye polinizada por insectos. O fruto ye royo y se fa negro cuan madura, no ye verenoso pero si bella mica toxico. Os muixons ixemenan as simients malas que se minchan o fruto y las van esparraficando con as suyas cacaletas.

A suya madera ye de color amarillisca y feba una tintura emplegada te tintar lanas, teixius y cuero. Con as ramas se feban tochos muito apreciaus, por a textura de a suya pela, a color brillant y a suya flexibilidat y poco peso.

Referencias

1. (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

Vinclos externos

• Se veigan as imáchens de Commons sobre Viburnum lantana.
• Wikispecies tiene un articlo sobre Viburnum lantana.