Bawuchi (Agan̄-mkpulu)
Bawuchi (òrere Bauchi State me usem Uket-chieen̄) ìre agan̄-mkpulu me agan̄ inyọn̄ mbum-ura me Naijiria. Agan̄-mkpulu echi òcheche okike ijọn̄ mèlek kan̄ ìre Kano mè Jigawa me agan̄ inyọn̄, Taraba mè Pilatu me agan̄ osiki, Gombe mè Yobe me agan̄ mbum-ura, mè Kaduna me agan̄ ichep-ura. Egwen ibak Bauchi òkukup karake akat, mè ire si ama-ibot kan̄. Echili agan̄-mkpulu yi me acha 1976 mgbọ efelebe oka Agan̄-mkpulu agan̄ Inyọn̄ Mbum-ura [North Eastern State]. Me adasi mgbọ, lek ijọn̄ ònire Gombe chereyi ìkup me emen kan̄, ire, me acha 1996, Gombe înikana agan̄-mkpulu òkeke me lek kan̄.
Me etete agan̄-mkpulu 36 òkup me Naijiria, Bawuchi ore òso go òmimin ichit me okike ijọn̄, mè ire òso jaaba ene ewabe ichit me emen. Otu-ifuk ebi ìluk me emen mîwa iraka 6,530,000 me acha 2016. Awak Ido eyi Yankari ìkup me agan̄-mkpulu yi. Owuwa ene me ama yi, inu òwawa iraka akọp irek jeeta mè go me efit (85%), ekigọọk erumfaka Isilam, irek gweregwen me efit (6%) ekgiọọk erumfaka Kiristien, sà irek onaan̄ge me efit (9%) ekigọọk erumfaka orọmijọn̄.<ref6>
Egwen agan̄-mkpulu yi ibak ogwu otâ ge, Baushe, òdadasi iluk me ere ya sabum Yakubu, adasi ogwu ibot mkpulu orọmijọn̄ oninu ere ya.