Ijọn̄-ubọọn̄ Otoman ìre ijọn̄-ubọọn̄ ge òkup bene me 1299 ire 1923. Ọmọ okikpulu bene me Balkan ire Arebia, mè ìkpulu si bene me Okwaan̄ Ofifit ire Afirika agan̄ Inyọn̄. Echili ijon-ubọọn̄ yi kire sọntiik otoko, inenimin ikana ama-ubọọn̄ òkakaan̄ unye enenen me emen senturi 16.
[Egop, iman̄, Ogugo-ijon me emen acha 1683, mgbo ijọn̄-ubọọn̄ yi okaan̄be unye ichit]
Ama ibot kan ire Sogul (1299-1326), Bursa (1326-1365), Edirine (1365-1453), mè Kọnsitantinopulu (1452-1922). Bene 1822 re 1876, mè 1920 re 1922, ubọk mkpulu me ijọn̄-ubọọn̄ yi ìre eyi ogwu ubọọn̄ ge okaan̄be otutuuk unye; me 1517 re 1924, ubọk mkpulu ìre eyi ebi kalifi ekikpulu; bene me 1878 re 1908, ubọk mkpulu ìre eyi ene ge okito iko me lek inu geelek mè ikikpulu ike înemebe ọmọ; me 1876 re 1878, mè 1908 re 1913, mè 1918 re 1920, ubọk mkpulu ìre eyi ekisa ikpa-ikan ido mè uwu-inama-ikan ikpulu; me 1913 re 1918, ubọk mkpulu ìre eyi ogwu ubọọn̄, uwu-inama-ikan mè mkpulu akọn̄ ekikpulu ike înemebe ema.