Utikpa ìre inu ge ekitet me ubọk isa ige inu me lek ikpa.^[1] Mgbọ ekisa utikpa ige inu, mun̄-ikpa òkigwat lek ichat òkup me emen okpot me emen utikpa ya okisibi igwook me inyọn̄ akpọk ikpa, mè isa me ikeya irọ ibe ikup mfufet igege inu.

Utikpa echi esabe anyiaan̄ irom ore utikpa òkakan ichit ebi ene eriọọn̄be. Me ukot ikaan̄, ekisa utikpa anyiaan̄ ige inu me lek osùkut mè ikpa anam kubọk ikpa. Îre anyiaan̄ cha òkitibi me otu Okwaan̄ Nali ke ekekisa irom utikpa chi. Ebi Ijipiti Ukot Ikaan̄ edasi irom utikpa chi sabum ebi ufi ife enikpọ me ubọk kiban̄ irom. Îre ema si edasi irom ofifit mun̄-ikpa, sa me igwegwugwa mfifit ebek mkpukan̄ mè mgbe àkasia [gum arabic]. Utikpa yi ema erombe ìkaan̄ otu òbubum iba inyi ikikọt idọmọ ike mun̄-ikpa obokije ininin̄ otu ya òbokige inu. Mege inire chereyi, ekpọkpọ ikirom ojelek otu òge-inu [stylus] keyi inyi ige-inu eyi <calligraphy>.^[2]^[3]

Utikpa akukọ unọn ìre ge me lek utikpa cha òkakan enenen. Ekisa akukọ unọn [quill], ògak ge eyi gùsi, irom. Ekikọkọ otu akukọ ya inyi isọọk otu enenen, mè ikijiin̄ me emen mun̄-ikpa mgbọ geelek isige ikọ inen mè inen.

Nrọnnye

↑ Òbum-ikọ Obolo: uti-ikpa
↑ Gaur, Albertine 1992. A history of writing. Revised edition. The British Library. ISBN 0-7123-0270-0
↑ Nickell, Joe 1990. Pen, ink, and evidence: a study of writing and writing materials.. The University Press of Kentucky. ISBN 0-8131-1719-4.

[1] Òbum-ikọ Obolo: uti-ikpa

[2] Gaur, Albertine 1992. A history of writing. Revised edition. The British Library. ISBN 0-7123-0270-0

[3] Nickell, Joe 1990. Pen, ink, and evidence: a study of writing and writing materials.. The University Press of Kentucky. ISBN 0-8131-1719-4.

[1]

[2]

[3]