स्कॉट्लैण्ड

स्कॉटलैंड एगो देश छे जे यूनाइटेड किंगडम के हिस्सा छे। हेकराम यूनाइटेड किंगडम के करीब एक तिहाई हिस्सा आबे छे। हेकराम ग्रेट ब्रिटेन के उत्तरी हिस्सा आरो 970 करीबी आइलेंड आवे छे। दखिनी-पूरब के तरफ स्कॉटलैंड के एक्के बार्डर छेके, जे की 154 किलोमीटर नामो छे आरो इंगलेंड से जुडलो छे। ई देस अटलांटिक महासागर आरो नॉर्थ सी से घिरलो छे। 2022 म हेकरो जनसंख्या 5,439,842 छेले। एडिन्ब्रुघ हेकरो राजधानी छेके आरो ग्लासगो सबसे बेसी जनसंख्या वाला जगह छे।

शब्द-साधन

स्कॉटलैंड नाम 'स्कोटी' सें आवे छह, जे की गेल्स के लेटिन नाम छे। लेट लेटिन सब्द 'स्कोटिया' पहलें आयरलैंड लेली छेले आरो वेहे रंग ओल्ड इंगलिश म आयरलैंड के स्कॉटलैंड कहे छेले।

इतिहास

पूर्व-इतिहास

पूर्व-इतिहास के स्कॉटलैंड, रोमन एंपायर के आवे से पहलें सांस्कृतिक रूप से बहुत विविध छेले।

बेरी-बेरी हिमनद होवे से, जे स्कॉटलैंड के सब भूभाग ढाँपी देल्के, होकरा कारन मानव निवास के कोनो निसान नय बचले। ई मानलों जाय छे की हिमनद वाला काल के बाद शिकार आरो संग्रह करे वाला मानवकाल स्कॉटलैंड म 12,800 पहलें आईले। तखनी स्कॉटलैंड जंगल से घिरलों छेले, हुन्ने दलदल छेले आरो आनजान के रास्ता पानिए स छेले।