الدببة التلاتة
الدببة التلاتة
| ||
| ||
| النوع | كوميديا و تعاويد ديال حلان لعينين | |
| لبلاد | الولايات المتاحدة د ميريكان | |
| اللوغة | نڭليزية | |
| لينتاج | ||
| الشركة د لينتاج | كرتون نتورك ستوديوز | |
| التوزيع | تلفزيون وارنر بروس، نتفليكس و هولو | |
| لبت ولعرض | ||
| لبدية | 27 يوليوز 2015 | |
| النيهاية | 27 ماي 2019 | |
| شحال د لحلقات | 140 | |
| شحال د لمواسيم | 4 | |
| لقنوات اللي داز منها | كرتون نتورك | |
       
| ||
الدببة التلاتة (بلونݣلي We Bare Bears) هو مسلسل روسوم ديال ميريكان لي نتجاتو كارتون نيتوورك و بدا ف 27 يوليوز 2015 على كارتون نيتوورك ديال ميريكان و سالا ف 7 شتنبر 2020 بعد ما داز لفيلم ديالو ف 30 يونيو 2020 . لمسلسل كيهدر على تلاتة ديال الدببة كيعيشو مع بنادم فمدينت سان فرانسيسكو ف كاليفورنيا و كيدوزو فمغامرات و تجارب جديدة. لملسلسل فيه 4 لمواسم و 140 حلقة.[1]
ف 30 ماي 2019، كارتون نيتوورك دارت إعلان على فيلم الدببة التلاتة لي صدر ف النص ديال لعام 2020 و بلي غادي تكون واحد سلسلة جديد سميتها حنا دببة صغار We Baby Bears لي غادي تهضر على الدببة التلاتة ملي كانو صغار. و من بعد صدر لفيلم ديال حنا دببة ف 30 يونيو 2020 و ف كارتون نيتوورك ف 7 شتنبر 2020، و هي اللخر ديال لمسلسل.
كيهضر لمسلسل على تلاتة د الدببة صحاب لدرجة لأخوة: ڭريزلي (پاندا كيقول ليه ڭريز)، پاندا (كلشي كيقول ليه بان-بان) و دب التلج. كيحاولو الدببة يندامجو مع الناس، بحال ياكلو ماكلتهم و يتصاحبو مع ناس يشريين و يكونو مشهورين فلانترنيت، و ديما كيشاركو دببة فمغامرات مع صحابهم بحال، الدري لمعجزة كلووي پارك، بيڭ فوت تشارلي، مشهور لأنترنيت كوالا نام نام، لحارسة ديال لغابة تيبس، و لبياعة لوسي. و فبعض لحلقات كتكون فلاش باك ملي كانو صغار و هوما كيقلبو على دار فين يسكنو.
- ݣريزلي: ڭريز، هو دب بغا يكونو عندو صحاب و خصوصا يكون مشهور فلأنترنيت و عزيزين عليه خوتو.
- پاندا: هو دب عزيز عليه تيليفونو بزاف و عزيزين عليه لبنات و هو ضريف بين دببة .
- دب التلج: هو دب ماكيهضرش بزاف و عزازين عليه النينجا. لعيب ديالو لوحيد هو كيقول سميتو فكل بديت كلام و كيعرف يدير كلشي.
- كلووي: هي بنت كورية كتقرا ف ميريكان، واخا هي صغيرة ولكن عقلها ناضج و ما عندهاش صحاب. و لكن بعدما تعرفات على ڭريز، پاندا و دب التلج ولاو عندها بزاف د صحاب.
- تشارلي: هو مخلوق ما عندوش هوية و ماعارفش معنى دنيا، بعض لمرات كيكون مصضع دببة و لكن هو ظريف و عزيز ليه كرات لفرماج.
|
تقدر تزيد شوف بزاف د تّصاور و لمعلومات ديال We Bare Bears ف ويكيميديا كومنز. |