المحرر
| ||
معلومات أساسية | ||
نوع د الدورية | جورنال يومي | |
لبلاد | لمغريب | |
اللوغات د النشر | عربية | |
شاف إديتور | عمر بنجلون | |
تاريخ التأسيس | دجنبر 1974 | |
لإصدار اللخر | يونيو 1981 | |
مولاها | تيحاد شتيراكي د لقوات شعبية |
المحرر (بلفرنساوية: Al Muharrir) هوّ جورنال يومي كانت كيتنشر ب لغة العربية ف لمغريب.
تنشر جورنال المحرر لأول مرة ف دجنبر عام 1964، و كان كيصدر يوميا من عند حزب لإتحاد لإشتراكي للقوات شعبية. داكشي علاش كانت مواقفو كتميل شوية ل لإشتراكية ودفاع على لمواقف دياولها.[1]
كان عمر بنجلون هو رئيس تحرير الجورنال، حتى تقتل ف دجنبر 1975، فتولى من بعدو مصطفى القرشاوي منصب رئيس التحرير،[2] وكان محمد عابد الجابري لمفكّر و لأكاديمي لمغربي بين لمساهمين ف تحرير صفحات الجورنال من عام 1965 تال 1973،[3][4] هو و عبد الكريم موتي و شي وحدين آخرين.
ف نونبر 1965 تّمنع "المحرر" ف لمغريب، وتحكم على رئيس تحريرها بالحبس لمدة عشر شهور،[5] وخا هكاك رجع للنشر من جديد بعد ست شهور من لمنع، هي و غيرها من جورنالات لمعارضة للنظام لملكي لمغربي، ومنهم جوج جورنالات العلم و لوبنيون، و عانا الجورنال من فترات منع متقطعة طوال عقد السبعينات.
توقف الجورنال على النشر ف يونيو من عام 1981،[6] و خدا بلاصتو جورنال لإتحاد لإشتراكي لي تابع لنفس لحزب ولي تنشر لأول مرة ف ماي عام 1983.[7][8]