سوق لاربع

سوق لاربع
‫سوق الأربعاء الغرب‬ (ar) ⵙⵓⵇ ⵍⴰⵔⴱⵄⴰ (tzm)
لبلاصة
لبلاد	لمغريب
لإقليم	إقليم لقنيطرة
السكان
شحال دالسكان	70,894 (2024)
شحال دلفاميلات	14,268 (2014)
لجغرافيا
لعلو	37 م
معلومات خرا
الرمز لجغرافي	6546900

سوق لاربع مدينة مغريبية كاينة ف إقليم قنيطرة، جهة رّباط سلا قنيطرة، ساكنين فيها 67698 واحد، على حساب لإحصاء لعام 2014.^[1]

تاريخ

سوق لاربع تقدر تكون بدات كا ڤيلاج صغير ؤ سوق د لعروبية من لفترة لقديمة، رّومانية ؤلا حتا لقبل رومانية.^[2] مي لمدينة لي كانعرفو دابا أسسوها لفرانسيس ف فترة لحماية.^[3] من بين لبقايا د لفترة رّومانية لي كانو تّلقاو حدا سوق لاربع، كاينين جوج نقيشات ݣنايزية، شي تماتيل د لبرونز ؤ طراف مهرسين، شقوفا د لفلوس، بزاف د طّروفا د لفخار، ؤ تيݣولات (طوبات مفلطحين كيتدارو ف لبني ديال سّقف ديال دار) مكتوب فوق منهوم ب لّاتينية سّمية ديال مدينت ݣيلدا.^[4] هاد لكتيشاف لّخر كان خلا بزاف يعتاقدو بلي سوق لاربع هيّا نيت هاد لمدينة لقديمة، لي كانت غالبا لعاصيمة د مملكة موريطانية قبل من وليلي، ولاكين هاد لفرضية مابقاتش قوية بعد لكتيشافات لي تدارو ف ريغة.^[5]

ف تّقسيم لإداري

سوق لاربع كاتّعتابر جماعة ترابية حضرية.

تعليم

• نسبة لأمية (نّاس لّي ما كايعرفوش يقراو ولا يكتبو) : 33%
• نسبة سّكان لّي قاريين فوق تّانوي (تانوي و جامعة): 14,5%

اقتصاد

• نسبة نّاس نّشيطين (لّي يقدرو يخدمو): 47,4%
• نسبة لبطالة (نّاس لّي ما خدامينش و تايقلبو على خدمة): 18,3%
• نسبة نّاس اللي خدامين ف دّولة (ولا لعاطلين اللي سبق ليهوم خدمو): 10,4%
• نسبة نّاس اللي خدامين في لقطاع لخاص (ولا لعاطلين اللي سبق ليهوم خدمو):41,5%

عيون لكلام

1. "RGPH 2014 - Site HCP". مأرشيڤي من لأصل ف 2023-07-02. تطّالع عليه ب تاريخ 2020-08-22.
2. "لإنسايكلوپيديا لأمازيغية، بابّا" (ب لفرانساوية). doi:10.4000/encyclopedieberbere.1240.
3. محي الدين الشاوي (2002). "Les nundinae dans les grands domaines en Afrique du Nord à l'époque romaine". Antiquités africaines. doi:10.3406/antaf.2002.1374.
4. "واش ݣيلدا هيّا سوق لاربع؟" (ب نڭليزية). مأرشيڤي من لأصل ف 2021-10-27. تطّالع عليه ب تاريخ 2021-10-27.
5. "ريغة/ݣيلدا، لينساپ". لينساپ (ب لفرانساوية). مأرشيڤي من لأصل ف 2021-10-27. تطّالع عليه ب تاريخ 2021-10-27.

تقدر تزيد شوف بزاف د تّصاور و لمعلومات ديال Souk El Arbaa ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.