كيپ تاون
كيپ تاون
| ||||
|
Cape Town (en)
| ||||
| ||||
| تاريخ التأسيس | 1652 | |||
| لبلاصة | ||||
| لبلاد | جنوب إفريقيا | |||
| لإقليم | لمدينا د كيپ تاون | |||
| لإدارة | ||||
| لعمدة | Geordin Hill-Lewis (نونبر 2021) | |||
| السكان | ||||
| شحال دالسكان | 3,776,313 (2021) | |||
| لجغرافيا | ||||
| لميساحة | 2,454.72 كم² | |||
| لعلو | 5 م | |||
| معلومات خرا | ||||
| توقيت ديال لمدينة | ڭرينيتش +2 | |||
| نمرة التيليفون لمحلية | 45 | |||
| كود د لبوصطة | 8001 و 8000 | |||
| السيت الرسمي | capetown.gov.za | |||
| الرمز لجغرافي | 3369157 | |||
كيپ تاون (بلينڭليزية: Cape Town - بلآفريكانز: Kaapstad - بلخوسا: iKapa) هي مدينة ف جنوب إفريقيا، و تاني أكبر مدينا ف لبلاد (من مورا جوهانسبورڭ). هي وحدا من لعواصم التلاتة د لبلاد (لعاصمة التشريعية، فيها بلاصة لبرلمان د جنوب أفريقيا)، و أكبر مدينا ف لمنطقة د لكيپ الغربي، و تابعة للبلدية ديال كيپ تاون. جات ف لجنوب لغربي د لبلاد، و كيتلاقاو فيها لمحيط لأطلسي و لمحيط لهندي، اللي كاطّل عليهم بجوج.
لمدينا معروفة ب لمرسى ديالها وبلاصتها الطبيعية في منطقة كيپ فلوريستيك وبلاناتها بحال جبل الطابلة وكيپ بوينت. فعام 2014، تكلاسات كيپ تاون أحسن بلاصة ف العالم يقدر يزورها لواحد، علا حساب نيويورك تايمز.[1] و تكلاصات ف لبلاصة اللولا تا عند ديلي تيليڭراف ف عوام 2016 و 2023.
كيپ تاون هي أقدم مدينة في جنوب إفريقيا[2]، و أول مدينا بناوها لأوروپيين وبقاو فيها لوقت كامل ف إفريقيا جنوب الصحرا. وصل ليها يان ڤان ريبيك ف 6 أبريل 1652 و دار مستعمرة كيپ فوك، هو والشركة لهولاندية د الشرق د لهند. تطورات كيپ تاون تا ولاّت أول سونطر أوروپي ف قصبة الأمل الجيد، و ولات السونطر الإقتصادي والثقافي ديال قطاع كيپ. حتى وقيتة السخانة د الدهب (gold rush) ف ويتواترساند والطلعة فالنيڤو ديال جوهانسبرڭ، كانت كيپ تاون أكبر مدينة ف جنوب أفريقيا.
لبلاصة لمدنية عدها خط ساحلي طويل على المحيط الأطلسي و لي داخلة فيه خليج فالسي، وكيبقا غادي تال جبال هوتنتوت هولندا ف الشرق. كاين المتنزه الوطني د جبل الطبلة ف لحدود د لمدينة، و كاينين بزاف د لمحميات الطبيعية خرا وبلايص محمية بحرية ف لمدينا، و ف جوارها، باش يحميو البيئة الطبيعية الأرضية والبحرية و شكالها لكتيرة.