محمد الرباع
محمد الرباع
| ||
| ||
| معلومات عامة | ||
| زيادة | 8 مارس 1941 برشيد | |
| لموت | 17 ماي 2022 (81 عام) مارسن | |
| لجنسية | مملكة هولاندا | |
| لحرفة | سياسي | |
| لّوغات لي كيعرف | عربية و لهولاندية | |
| معلومات خرى | ||
| دين | إسلام | |
| لحيزب | حزب ليسر لخضر (–2010) | |
محمد الرباع، تولد ف 8 مارس 1941 ف برشيد ؤ مات ف 17 ماي 2022 ف مارسن، كان سياسي هولاندي أصلو مغريبي.[1] الرباع كان هو اول مغريبي دخل للبرلمان ديال هولاندا، و داكشي ف 1994 ملّي طلع للبرلمان مع لحزب ديال لخوضر.
تولد محمد الرباع ف 1941 ف برشيد و كبر فيها. قرا قرايتو كلها ف لمغريب، تال لعام ديال 1966 اللي كان تيقرا فيه لفلسفة ف لجامعة، و هرب ل هولاندا باش ما يدخلش للحبس ف وقت سنوات الرصاص. ف هولاندا دخل للعالم ديال النضال و ولاّ كيدافع على لأوضاع د لمهاجرين، تا ولاّ لمدير ديال لمركز لهولاندي د لأجانب من 1983 ل 1994. الرباع معروف باللي كيناضل ف بزاف د لقضايا بحال القضية الفلسطينية و لملفات د لعنصرية و لحروب د لإستعمار، و ساند تا لحركة د 20 فبراير ف لمغريب.[2]
- ^ أمزيان، محمد (2011-11-14). "محمد الرباع: معركة الانتخابات في المغرب تجري بين الملك والملك". هيسپريس (ب لعربية). مأرشيڤي من لأصل ف 2022-05-19. تطّالع عليه ب تاريخ 2022-05-19.
- ^ بوتخريط، محمد. "مسار أول مغربي يصل قبة البرلمان الهولندي: محمد الرباع.. كفاح من أجل العدالة". NadorCity.Com (ب لعربية). مأرشيڤي من لأصل ف 2021-09-27. تطّالع عليه ب تاريخ 2022-05-19.
|
تقدر تزيد شوف بزاف د تّصاور و لمعلومات ديال Mohamed Rabbae ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |