مريم شديد
مريم شديد
| ||
| ||
| معلومات عامة | ||
| زيادة | 11 أكتوبر 1969 (55 عام) الدار البيضا | |
| لجنسية | لمغريب | |
| لحرفة | عالمة فلك، مستكشف و باحتة | |
| لّوغات لي كيعرف | عربية و لفرانساوية | |
| لجوايز |
| |
مريم شديد (تزادت نهار 11 أكتوبر 1969 ف كازا) هي باحثة مغريبية ديال الفلك خداما ف مرصد "كوت دازير" ف فرانسا و أستادة ف نيس.[1]
هي من العيلات اللوليين اللي مشاو لقطب لجنوبي. مشاو يديرو منظار فضائي باش يقيسو الشعاع ديال النجوم ف لقطب لجنوبي. مريم هي الصغيرة ف خوتها و كبرات ف لحي الشعبي ديال درب السلطان. كان باها خدام حداد ف الدار البيضا و مها تادير الخياطة والطياب.
بدات قرايتها و هي صغيرة ف مدرسة الفكر العربي و عمرها 5 سنين، من بعد بدات الابتدائي ف مدرسة المزرعة الخاصة ديال لبنات، من بعدها دازت ل إعدادية المنصور الذهبي و ثانوية صلاح الدين الأيوبي ديال لبنات. خدات إجازة ديال الفيزيك من جامعة الحسن الثاني ف الدار البيضا، و بدات الدكتورا ف نيس عام 1994، و مشات خدمات مهندسة فلكية ف المركز الوطني الفرنسي للبحث العلمي.
مريم شديد مزوجة من جون فيرنين و هو المدير ديال المركز الوطني للبحوث العلمية. تزوجو ف في 31 مارس من عام 2001 و عندهوم جوج دراري ليلى فيرنين وفيليكس تايكو فيرنين.
- القادة العالميين الشباب ف المنتدى الاقتصادي العالمي (2008)
- الوسام العلوي من عند لماليك (2013)
- المرأة العربية ف العلوم من جامعة ريجنت ف لندن لعام (2015)
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |