أشرف حكيمي
| |||
معلومات عامة | |||
زيادة | 4 نونبر 1998 (25 عام) مدريد | ||
لجنسية | سپانيا لمغريب | ||
لحرفة | كوايري | ||
لّوغات لي كيعرف | صبليونية، الداريجة لمغريبية، لفرانساوية و نڭليزية | ||
لكاريير ديال الشخص | |||
شارك ف | |||
معلومات خرى | |||
دين | إسلام | ||
رياضة | |||
رياضة | كورة | ||
پوسط | ظهير (كرة قدم) و وسايطي | ||
لجنسية رّياضية | لمغريب | ||
لفراقي | |||
---|---|---|---|
أعوام | فرقة | ماتشات | بيوتا |
2016–2017 | ريال مدريد كاستيا | 28 | (1) |
لفراقي | |||
2017–2020 | ريال مدريد | 17 | (2) |
2018–2020 | ← بوروسيا دورتموند (إعارة ) | 73 | (12) |
2020–2021 | آنطير ميلون | 45 | (7) |
2021– | پاري سان جيرمان | 61 | (6) |
لمونتخاب لوطني | |||
يونيو 2016–2019 | منتخب المغرب تحت 23 سنة | 2 | (0) |
أكتوبر 2016– | لمنتخب لوطني لمغريبي د لكورة | 53 | (8) |
لجوايز |
| ||
أشرف حاكيمي، سميتو لكاملة أشرف حاكيمي موح، تزاد نهار 4 نونبر 1998 ف مدريد[1]، هو كوايري مغريبي كيلعب أريير دروا معا پاري سان جيرمان ف فرانصا، و معا لمونتخاب د لمغريب د كورة.
تولد حكيمي ف مادريد، صبانيا ل واليدين مغاربا، ؤ بدا يلعب كورة معا لفرقة د كولونيا ؤفيݣيڤي قبل ما يدخل معا لكاطيݣوري صغار د ريال مدريد ف 2006 ملي كانت عندو تمن سنين.[2][3]
بدا أشرف لمسيرة ديالو مع الصغار د ريال مدريد، لي لعب معاهم من 2006 ل 2016. ف 2016 عيطلو لمدرب زيدان باش يلعب ف لول مع لفرقة د لحتياط، ولاكين عجبو لّعب ديالو ودخلو دغيا مع لفرقة لّولة. لعب حكيمي أول ماتش رسمي ديالو مع ريال ف 1 أكتوبر 2017 ضد إسپانيول برشلونة.[4]
ف 2018 تسلفاتو لفرقة د بوروسيا دورتموند ف ألمانيا ل عاماين، و بعدها مشا ل لانطير ميلان طّالياني لي كان مراقبو من 2018 قبل ما تسلف ريال اشرف حكيمي لدورتموند.
سنا حكيمي كونطرة ديال خمس سنين معا لفرقة د ليڭ 1 پاري سان جيرمان (پي إس جي) ف 6 يوليوز 2021.[5] قال جّورنال لڭارديان بلي پي إس جي دفع 60 مليون ؤرو، ؤ مازال تقدر تطلع ب 11 مليون ؤرو ديال لمتغيريات.[6] دار حكيمي لبدية ديالو لأول مرة ف لبوطولة لفرانساوية ف 7 غشت 2021، ؤ لعب 90 دقيقة كاملة ؤ ماركا بيتو لّول معا لفرقة ضد طروا.[7] خدا أول كارطة حمرة ف لكاريير ديالو ف تعادل 0-0 ضد مارساي ف 24 غشت 2021.[8] ف 22 شتنبر 2021، ماركا حكيمي جوج بيوتا ف رباح 2-1 ضد إف سي ميتز شي لي خلا فرقتو تربح ؤ تدي 3 د نقاط.[9]
ف لمغريب، لعب أشرف حكيمي معا لمونتخاب د قل من 17 لعام، و لمونتخاب ديال تحت 20 عام و لمونتخاب د شبان، وموراها طلع ل لمونتخاب د لكبار لي لعب معاه كاس لعالم 2018 ف روسيا.
حكيمي مجوج من لممتيلة صبليونية هبة أبوك، لي عندها ؤصول ليبية ؤ تونسية.[10] عندهوم جوج ولاد، أمين تولد ف فبراير 2020 ؤ نعيم ف فبراير 2022.[11]
ف 17 يوليوز 2021، تطيسطا پوزيتيف ل كوڤيد-19.[12] كانت هادي هي لمرة تانية لي كاتجيه كورونا مورما جاتو ف أكتوبر 2020.[13]
ريال مدريد (4) | بوروسيا دورتموند (1) | أنطير ميلان (1) | پاري سان جيرمان (6) |
---|---|---|---|
|
|
|
|
تقدر تزيد شوف بزاف د تّصاور و لمعلومات ديال Achraf Hakimi ف ويكيميديا كومنز. |