لبولشيت ؤلا بولشيت (ب النڭليزية Bullshit) مصطلح متداول ف النڭليزية لي يقدر يتّختاصر ب BS، و هوّ مصطلح د السبّان لي كيعني تخربيق، سيرتو ملي كيتخدّم كا جواب على شي هضرة ؤلا فعلة لي كاتبان بلي غالطة، فيها التزييف ؤلا التقوليب، ؤلا ماشي عادلة. هاد لمصطلح ف النڭليزية يقدر يتخدّم كا عتيراض interjection، سمية، فيعل ؤلا نعت، و يقدرو يكونو عندو بزاف د لمعاني. شي واحد لي كيعرف يهضر مزيان بلا مايڭول شي حاجة عندها معنى كيتسمى "فنان د لبولشيت" bullshit artist، ماشي غير "كدّاب".[1]
ف لفلسفة و لپسيكولوجيا د لإدراك، كيتخدّم مصطلح لبولشيت بشكل دقيق باش يعني واحد لهضرة لي كاتّنتج بدون إهتمام خاص ب لحقيقة، لوضوح، ؤلا لمعنى، شي لي كيختالف على لهضرة لي كاتكون مقصودة باش تكون كدوب ؤلا باش تعوّج لحقيقة.[2] ف لبيزنيس و التدبير، كاينين مجموعة د الطرقان مقتارحين باش لواحد يفهم و يتعرّف على لبولشيت، و يدير ممارسات لي كاتحدّ منو ؤلا كاتمنعو، و كاتفيلتريه و كاتمنع لإنتشار ديالو ف لخدمة، ف لإعلام و ف لمجتمع.[3]
مصطلح bull ب معنى التخربيق، مخدّم من لقرن 17، ف لوقت لي بولشيت تخدّمات علّاقل من 1915 ف النڭليزية لبريطانية[4] و لميريكانية[5] د الشاريع و طلعات الشعبية ديالها ف وقت لحرب لعالمية الجاوجة. كلمة bull براسها تقدر تكون جات من لفرانساوية لقديمة bole لي كاتعني "التقوليب".[5]
|s2cid=
ignored (معاونة)