بيصارة

بيصارة
بيصارة
معلومات عامة
نوع د لماكلة طبق و صوبّة
لبلاد لأصلية لمغريب و مصر
وقت سّتيهلاك شتوة، جو بارد
خاصيات ؤ فوايد
طاقة
(ف 100 ڭرام)		 274 كالوري
قيمة غدائية
(ف 100 ڭرام)		 59 ڭ كاربوهيدرات
4 ڭ دهنيات
24 ڭ پروتينات[1]


البيصارة ولا بايصار (ف شمال لمغريب) ماكلة مغريبية كاينة فأغلب مناطق المغرب وكاتكال بزاف ف فصل الشتا ويامات البرد. البيصارة كاتدار بالفول ميبس ؤلا الجلبانة ميبسة ؤلا بيهوم بجوج وكاتكال معا لعطرية، الكامون والسودانية، وبزيت العود.[2]

أصل لكلمة

[بدل | بدل لكود]

كيقول "محمد شفيق" مستشار لملك راحل لحسن ثاني، و أول عميد لمعهد لملكي د التقافة لأمازيغية ف الرباط، بلي كلمة "البيصارة" مشتقة من كلمة «أبيصار» ل هي لفظة مشتركة بين لأمازيغية ولمصرية لقديمة،[3] و كتعرف لبيصارة ف سوس و الحوز باللفظ الأمازيغي «تالخشا» ؤلا «تالخسا».[4]

كلمة "بيصارة" تقدر تكون جات من لفارسية بيسار لي كيتّقصد بيها "ماكلة مصاوبة من لفول".

جوج فرضيات خرين كاينين هوما بلي جات من السمية د مدينة لبصرة ف لعراق، ؤلا من لمصرية لقديمة بيصورو.[5]

لانتشار

[بدل | بدل لكود]

لبيصارة كاينة ف لمطبخ لمغريبي وحتى ف لمطبخ لمصري، لكن لختلاف كاين ف لمقادير لي كتزاد لفول، لمصريين كيديرو لبيصارة بالنعناع و شبت،[ماواضحش] وحتى بالملوخية (ماشي لملوخية لمغريبية) و السبانخ، وكيتغمس بالخبز،[6] و ف لمغريب كاتكال بالخبز ولا كتشرب بحال صوبا حسب رغبة، و كاينة لبيصارة حتى ف فلسطين وكدار بالملوخية و بالفلفلة لخضرا و بالشبت[ماواضحش] وبالعدس لمقشر،[7] و كتعرف ف غزة، و لبيصارة لمغربية و لمصرية و لفلسطينية كيختلفو من ناحية لمكونات لمزيودة ولكن كيتصاوبو بنفس الطريقة.

تاريخ

[بدل | بدل لكود]

فاش كنرجعو لأطعمة ولأشربة لي كانت ف لأديرة لمصرية ف لعصر لبيزنطي، كنلقاو بلي لبيصارة مدكورة من بين لماكلات لمصرية لي كانو كيقسّيوها لفرايليا بسمية پيسارو "Ⲡⲉⲥⲟⲩⲣⲱ ؤلا ⲑⲉⲥⲟⲩⲣⲱ" وكتعني الفول المطبوخ ب اللغة لقبطية، و باقى حتى ليوم محافضة على سميتها لقبطية.[8][9]

و ف لقرن 13 ف عهد بني مرين، كنلقاو وصفة لبيصارة لمغريبية مدكورة ف كتاب «فضالة الخوان في طيبات الطعام والألوان» ديال بن رزين التيجيبي لأندلوسي، وكيقول فيها:[10]

بيصارة ينقى الفيشار بالماء السخن مرات، ثم يدهن بالزيت و يوضع في قدر مدهونة بالزيت، و يلقى عليه ما يغمره من ماء عذب و بصلة مشقوقة و رأس صحيح من ثوم و كمون و كزبرة و بسباس و يطبخ على النار و يحرك بالمغرفة حتى يصير كالمخ، بعد إخراج الثوم و البصل من القدر و يطيب بالملح ثم يفرغ في صحفة و يذر عليه الكمون و الزيت، ومن اراد اكله بالفيجل و البصل أو بالزيتون فعل. بيصارة

لبيصارة لمغريبية

[بدل | بدل لكود]
لبيصارة لمغريبية

لمكونات

[بدل | بدل لكود]
  • فول منقوع[ماواضحش] ف لما ليلة كاملة
  • معلقة كبيرة ديال لكامون
  • معلقة صغيرة ديال لملحة
  • 6 لفصوص ديال التومة
  • زيت الزيتون
  • لما[11]

طريقة تحضير

[بدل | بدل لكود]
  1. ف طنجرة فوق لعافية، حط لفول، التومة، لما.
  2. فاش كيغلى، نقص لعافية وحيد الرغوة لمشكلة على السطح ل مدة 10 حتال 15 دقيقة.
  3. غطي نص طنجرة و خلي كلشي يطيب، حتى يولي لفول رطب.
  4. صفي لفول بصفاية باش تحصل على عجين فول داير كي لكريمة.
  5. رجع عجين لفول فوق عافية هادية، و نسمو ب لعطرية. زيد زيت زيتون و حركو مزيان حتى يولي متجانس عاد حيدو من لعافية، و قدمو.[12]

مصادر

[بدل | بدل لكود]
  1. ^ "myfitness, generic bissara" (ب نڭليزية). مأرشيڤي من لأصل ف 2023-02-24. تطّالع عليه ب تاريخ 2022-07-09.
  2. ^ "أكلة البيصَارَة.. وجبة أساسيّة لـ"جبَالَة" عند مقدَم الشتاء". مأرشيڤي من لأصل ف 2019-10-29. تطّالع عليه ب تاريخ 2019-10-29.
  3. ^ "كتاب «الدارجة المغربية مجال توارد بين الأمازيغية و العربية» ص 71". مأرشيڤي من لأصل ف 2023-06-09. تطّالع عليه ب تاريخ 2023-06-10.
  4. ^ "كتاب «الدارجة المغربية مجال توارد بين الأمازيغية و العربية» ص 81". مأرشيڤي من لأصل ف 2023-06-09. تطّالع عليه ب تاريخ 2023-06-10.
  5. ^ "الباحث اللساني عبد المجيد جحفة يحفر في أصول أكلة "الْـبِيصارة"" (ب لعربية). 30 يناير 2023. مأرشيڤي من لأصل ف 2023-03-30. تطّالع عليه ب تاريخ 2023-02-27.
  6. ^ al-ain.com (2020-12-07). "طريقة عمل البصارة المصرية.. خطوات ومقادير". العين الإخبارية (ب لعربية). مأرشيڤي من لأصل ف 2023-06-11. تطّالع عليه ب تاريخ 2023-06-10.
  7. ^ "طريقة عمل البصارة الفلسطينية بالفول". طريقة (ب لعربية). 2018-09-25. مأرشيڤي من لأصل ف 2023-06-11. تطّالع عليه ب تاريخ 2023-06-10.
  8. ^ "Dictionary of the Egyptian Language 2022 - Similar Words P: 84".
  9. ^ "الأطعمة والأشربة في الأديرة المصرية في العصر البيزنطي ص 252". مأرشيڤي من لأصل ف 2023-06-10. تطّالع عليه ب تاريخ 2023-06-10.
  10. ^ بن رزين التيجيبي. "ضالة الخوان في طيبات الطعام والألوان" (ب لعربية). ص. 240. Missing or empty |url= (معاونة)
  11. ^ "طريقة بسيطة لتحضير البيصارة المغربية في وقت وجيز". 2M.ma (ب لعربية). مأرشيڤي من لأصل ف 2023-06-10. تطّالع عليه ب تاريخ 2023-06-10.
  12. ^ "بيصارة بالفول". choumicha.ma (ب لفرانساوية). مأرشيڤي من لأصل ف 2023-06-11. تطّالع عليه ب تاريخ 2023-06-10.
هادي زريعة ديال مقالة خاصها تّوسع. تقدر تشارك ف لكتبة ديالها.