بيليروبين
بيليروبين
| ||
| خاصيات | ||
| فورمولة | C₃₃H₃₆N₄O₆ | |
| كتلة | 584.263 Da | |
| لقلدة لكيماوية | ||
.svg)
| ||
| ||
لبيليروبين هيا واحد لمادة لونها صفر،[1] هيا زبل ميطابولي جاية من التهراس د لهيمة اللي كاتخرج هيا و طومة دلحديد فاش كايتخْلاو لكراوي لحمرين الشارفين ؤلا اللي ماشي نورمال منعند لوكالة لكبيرة(ماكروفاج) ، لمداكسة ديالها فالدات كاتسما ب بوصفير و يقدر يمعني على شلا مراضي.
لپروصيص دلماكلة دلكواري لحمرين و التحرير ديال لهيمة منهوم ولكاطابوليزان دلهيمة للبيليروبين كايطرا فالطحال، و منبعد هاد لبيليوربين كاتركب فواحد لپروتين نقالة سميتها لالبيمين كاتمشي غادية شادة الطريق ديال لواريد الطحالي للواريد الجايب باش توصل للكبدة اللي فيها كاطرا واحد لعملية سميتها "الجواج" يعني لبيليروبين ماجوجاش اللي فدهنمدوبة كاتحول لبيليروبين مجوجة اللي فلمامدوبة.
هاد التفاعل ديال الجواج كايكون فلكبدة و كاضمنو واحد لونزيم سميتها لݣليكورونيل طرونسفيراز وهاد لعملية كاتكونصومي الطاقة .
من بعد لبيليروبين لمجوجة كاتلاح فلمرار وكادوز فلقنيوتات لمرارية ومنبعد الا ماتلاحاتش فلمرارة تما غاتصطوكا كاتلاح فالطناش باش دوز معا لماكلة لمصارن الرقيقة و لغليضة، 85% كاتمشي معا لخرا على شكل ستيركوبيلينوجين أما ديك 14% اللي باقية كايجيو لبكتيريات دلمصارن كاهيدروليزيوها كاتعاودتصم فالسيركوي الدماوي باش ترجع عاوتاني للكبدة وهاكجبد وهادا كايتسما : السيكل لمصرانوكبداوي.
لبيليروبين عندها جوج دنواع سوا لمجوجة(مديريكتية: حيت كاتفاعل معا واحد الرياكتيف سميتو الديازورياكتيف) كادوب فلپلازما حيت فلمامدوبة وكاتكون فلبولة(هيا اللي كاتعطي للبولة لونها الصفر) سوا اللي مامجوجاش(ماشي ديريكتية خاصها مزرّيب/كاطاليزور باش تفاعل معا الديازورياكتيف) دهنومدوبة وخاصها طرانسبورتور فالدم .
لعمورية بلبيليروبين فالدات ديالنا وبسباب لونها الصفر كاتتعطينا الصفورية.
الصفورية نقدرو نقسموها لتلاتة دنواع:
- صفورية بلبيليروبين مجوجة.
- صفورية بلبيليروبين مامجوجاش .
- صفورية مخلطة.
لبيليروبين هيا مسمومة للدات ديالنا سيرتو الا كانت بكمية كتيرة أشكو كاتمشي للنويات الرمادية تاع دماغ وكاتسبب فالدماغومرضات و لخطير هوا مكاتبراش و تقدر دير خسارات عصبية .
لخطورة ديالها سيرتو على الدراري الصغار.
|
تقدر تزيد شوف بزاف د تّصاور و لمعلومات ديال Bilirubin ف ويكيميديا كومنز. |
- ^ "Bilirubin blood test". مأرشيڤي من لأصل ف 2023-03-27. تطّالع عليه ب تاريخ 2023-05-29.