لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
تشاندرايان 3 هي لمهمة التالتة ديال برنامج تشاندرايان، لي هيّ سيريّة د لمهام د ستيكشاف لقامار مديورة و مسيّرة من عند مونضامة لأبحات د لفضاء لهندية.[1] مهمة تشاندرايان 3 بدات ف 14 يوليوز 2023، و كاتشمل هبّاط قاماري سميتو ڤيكرام و روڤر سميتو پراجيان، بحال ف مهمة تشاندرايان 2 لي تدارت ف 2019.
تشاندرايان 3 تصيفطات من مركز لفضاء ساتيش داوان ف 14 يوليوز 2023، و دخلات ل لوربيط د لقامار ف 5 غشت. ف 23 غشت معا 12:33 ب التوقيت لعالمي، نزل لهبّاط ڤيكرام حدا لقطب الجنوبي د لقامار. هادشي كيخلّي لهند رابع بلاد كاتنزّل مركابة على لقامار، و أول بلاد كاتنزّل مركابة حدا لقطب الجنوبي ديالو.[2][3] ف 3 شتنبر نقّز لهباط و تپوزيسيونا 30 تال 40 سنتيميتر من لموضع فين نزل.[4] كان كيتّفتارض باش يشعل ف 22 شتنبر باش يكمل لمهمة ديالو، ولاكين ف 30 شتنبر الليلة لقامارية التانية بدات، الشي لي قتل لأمال باش يعاود يخدم.