توريا جبران
توريا جبران
| ||
| ||
| معلومات عامة | ||
| زيادة | 16 أكتوبر 1952 الدار البيضا | |
| لموت | 24 غشت 2020 (67 عام) الدار البيضا | |
| طريقة دلموت | موتة طبيعية | |
| سباب لموت | كونصير و كوڤيد-19 | |
| لجنسية | لمغريب | |
| لحرفة | مومتيلة، سياسية، مخرجة مسرحية، ممتيل د لأفلام، ممثلة مسرحية و وزيرة الثقافة | |
| لّوغات لي كيعرف | عربية و لفرانساوية | |
| لجوايز |
| |
  
| ||
توريا جبران ولا ثريا جبران، و سميتها لحقيقية السّعدية قريطيف (خلاقت ف دّار لبيضا ف 16 أكتوبر 1952 و توفّات ف دّار لبيضا ف 24 غشت 2020[1])، كانت فنّانة مسرحية و ممتّيلة و مرا سياسية مغريبية. سبقليها كانت وزيرة تّقافة بين 2007 و 2009، وكانت أول مرا فنّانة كاتّاخود لباليزة د هاد لقيطاع.[2]
السّعدية قريطيف خلاقت ف دّار لبيضا و كبرات ف حي عين الشّق. كنية "جبران" خداتها من عند راجل ختها لّي هو لّي تكلّف بيها و كبّرها من بعد ما توفّا لواليد ديالها. لواليدة ديالها كانت خدّامة مربّية ف دار لأطفال د عين الشّق و هو شّي لّي خلا السّعدية تدوز وقت كبير د صغرها فيها، و داكشّي لّي كبّر فيها روح تّضامن مع لمهمّشين و نّاس ضّعاف ف لمجتمع.[3]
السّعدية بدات لمسرح و هي بنت عشر سنين و لعبات و هي صغيرة فوق لخشبة د لمسرح لبلدي د كازا و كان راجل ختها كايشجعها بزاف على لمسرح و عليها خدات كنيتو ف سميتها لفنّية.[3] كانت أول فرقة لعبات معاها هي "الأخوة العربية" لّي كان كايسيرها عبد العظيم الشناوي، وكانت أول مسرحية ديالها سميتها "أولاد اليوم".[3]
السّعدية قرات لبتيدائي و لّيسي ف كازا و كانت من نّسا لمغريبيات لّوالا لّي خداو شّهادة لبتيدائية ف لستيقلال.
من بعد لباك، تسجلات ف لمعهد د لمسرح لوطني د رّباط و خدات منّو ديبلوم التخصص المسرحي. كانت عندها ميولات سياسية و كاتلعب أدوار ف مسرحيات لّي كانو كايخلقو ليها مشاكيل مع لبوليس سّياسي د يامات لحسن تّاني. كانت محسوبة على حزب لتّيحاد لشتيراكي، يّامات كان حزب موعاريض، و وصل حد لمضايقات ل درجة أنها تخطفات فاش كانت غادية تشارك ف برنامج حواري سياسي ديال دّوزيم، هادوك لّي خطفوها تكرفسو عليها و قرّعو ليها شعرها.[2][3]
ف 2007 تعيّنات وزيرة د تّقافة، مع لتّيحاد لشتيراكي، و فلعهد ديالها تدارو بزّاف د لحوايج مزيانة ل لفنانين لمغاربة بحال قانون لفنّان، لاكارط د لفنّان و تّغطية صّحية د لفنانين. ماكملاتش ف لوزارة بسباب لمرض ديالها.[2]
تورّيا لعبات ف بزّاف د لأعمال ف لمسرح و تّلفزة و سّينيما.
كانت من رّواد د مسرح الهواة ف المغريب و لعبات مع بزّاف ديال لفراقي بحال "الشهاب"، "المعمورة"، "القناع الصغير" و لفرقة ديال لمسرحي لكبير الطيب الصّديقي لّي لعبات معاه مسرحية "ديوان عبد الرحمن المجذوب" ف 1980 و "ابو نواس" ف 1984 و "الف حكاية و حكاية في سوق عكاظ" ف 1985.
ف 1987 أسسات لفرقة د "مسرح اليوم" و كانت أول مسرحية ديالهوم "حكايات بلا حدود" لّي خرجها راجلها لمسرجي و لكاتب عبد الواحد عوزري و قتابس نّص ديالها من قصايد شّاعر سّوري محمد الماغوط.
- ديوان عبد الرحمن المجذوب - الطيب الصديقي - 1980.
- أبو نواس - الطيب الصديقي - 1984.
- حكايات بلا حدود - مسرح اليوم - إخراج عبد الواحد عوزري - 1987.
- أربع ساعات في شاتيلا - 2001. (نصّ جان جوني).
- الشّمس تحتضر - نصّ: عبد اللطيف اللعبي.
- الشمس تحتضر.
- بوغابة.
- إمتا نبداو.
- امرأة غاضبة.
- حكايات بلا حدود.
- النمرود في هوليود.
- الجنرال.
- طير الليل
- اللجنة - نصّ من رواية صنع الله ابراهيم.
- أيام العز.
- الناعورة - 1984.
- الزفت - 1984
- غراميات - 1984
- شفاه الصمت - 2001
- عطش - 2001
- عود الورد - 2007
- وسام الاستحقاق الوطني (لمغريب).
- وسام لجمهورية لفرنسية للفنون و الآداب من درجة فارس (فرانسا).
- جائزة الشارقة للإبداع المسرحي العربي 2008 (لإيمارات).
- ^ "وفاة الفنانة المغربية ثريا جبران عن 68 عاما". skynewsarabia.com (ب لعربية). مأرشيڤي من لأصل ف 2023-10-04. تطّالع عليه ب تاريخ 2020-08-25.
- ^ a b c سارة بوحافة. "ثريا جبران.. مسار فنانة بدأت من الهامش وجلست على كرسي الوزارة". febrayer.com (ب لعربية).
- ^ a b c d "ثريا جبران". aljazeera.net (ب لعربية). مأرشيڤي من لأصل ف 2023-02-06. تطّالع عليه ب تاريخ 2020-08-25.
|
تقدر تزيد شوف بزاف د تّصاور و لمعلومات ديال Touriya Jabrane ف ويكيميديا كومنز. |