دانييل كانيمان (مزيود ف 5 مارس 1934، توفى ف 27 مارس 2024) كاتب و پسيكولوڭ و إيكونوميست إسرائيليميريكاني، معروف ب لأعمال ديالو على لهيضونيزم، لپسيكولوجيا ديال لحوكم، و لماخدة د لقرارات. لخدمة ديالو على لإقتصاد السولوكيbehavioral economics خلاتو ياخد جايزة نوبل ف لقتيصاد معا ڤيرنون سميث ف 2002. لأبحات التجريبية لي نشرها ف هاد لمجال تحدّات التصور لقديم بلي لعقلانية كاتطغى على لإختيارات لقتيصادية د بنادم.
ف 2011، مجلة فورين پوليصي لميريكانية دارتو ف ليستة د أهم لمفكيرين ف لعالم.[1][2] ف نفس لعام، خرج كتابو التفكير بزربة و بشويةThinking Fast and Slow لي لخص فيه أغلبية د لأبحات ديالو، و حقق مبيعات كبيرة.[3] ف 2015، مجلة ذ إيكونوميست عتابراتو سابع أكتر إيكونوميست عندو تأتير ف لعالم.[4][5][6]
كانيمان كان ؤستاد د لپسيكولوجيا ف جامعة پرينسطون، و كان مؤسس ديال شركة TGG Group ديال لإستشارة. مراتو آن تريسمان كانت تا هيّ پسيكولوڭ (ماتت ف 2018).[7][8]