دجون سكوتوس
| ||
معلومات عامة | ||
زيادة | عقد 800 إرلاندا | |
لموت | 877 (67/77 عام) فرانكيا لغربية | |
لجنسية | إرلاندا | |
لحرفة | فيلسوف، موطرجيم و كاتب | |
لّوغات لي كيعرف | اللاتينية | |
معلومات خرى | ||
دين | لكنيسة الرومانية لكاطوليكية | |
تأتر ب | أوغسطينوس و غريغوريوس أسقف نيصص | |
دجون سكوتوس إريوڭينا ؤلا يوحنا الصكوطلاندي ؤلا يوحنا لمزيود ف إرلاندا[1] (مزيود ف جوايه عام 800، توفى ف جوايه 877)[2] فيلسوف نيوپلاطوني، عالم لاهوت، و شاعر إرلاندي ديال لبدية د لقرون لوسطانية. بيرتراند راسل ف كتابو تاريخ لفلسفة لغربية عتابرو "أكتر شخص من لقرن 9 كيتير الدهشة".[3] لموسوعة د لفلسفة د ستانفورد عتابراتو "أهم موتقاف إرلاندي ف لبدية د لفترة لفرايلية Monastic period"، و بلي هوّ "أهم فيلسوف ف لفترة د لإمبراطورية لكارولينجية، من بويتيوس تال أنسيلم".[4]
كتب عدد د لأعمال، أهم واحد منها هوّ "التقسيم د الطبيعة" De Divisione Naturae ؤلا پيريفيسيون Periphyseon، لي تّعتابر "لإنجاز اللخر" ديال لفلسفة لقديمة. هاد لعامال كيلخص لخدمة لفلسافية لي تدارت ف 15 قرن لي سبقوه.[5] لهدف د لكتاب هوّ باش يجبد من لفيسيس φύσις، لي دجون سكوتوس عرّفو ب "جميع لحوايج لي كاينين و لي ماكاينينش"، لقلدة لكاملة ديال لواقع.[6]
إريوڭينا كيتصنف فيلسوف نيوپلاطوني، وخا هوّ ماتأترش ديريكت ب فلاسفة نيوپلاطونيين بحال پلوتينوس. على حساب جان ترويار، إريوڭينا عتامد بشكل كامل على اللاهوت لمسيحي و عاود بنى أغلبية د لفلسفة النيوپلاطونية بوحدو.[7]