روڤر
الروڤر ؤلا الروڤر د لكواكب هوّ ماكينة ديال ستيكشاف السطوح د لكواكب، لي كاتكون مجهّزة باش تمشي على تيران مامسرحش و عامر ب لحجر و الطلعات و لهبطات. كاينين روڤرات تصاوبو باش يكونو مركوب ل الرواد د لفضاء، و خرين لي كيكون على شكل روبوات مستاقلة علاين ؤلا بشكل كامل. الروڤر كيتصاوب بحيت كينزل معا مركابة فضائية على شي كوكب من غير لأرض.[1] لهاداف ديالو هوّ جميع معلومات على السطح د لكوكب، لماخدة د تصاور، و جميع عيّنات ديال لغبرة، لحجر، و السوائل لي يقدرو يتدار ليهوم تحليل تماك نيت ؤلا بعدما يتصيفطو ل لأرض.
أول روڤر مستاقل تصيفط باش يمشي على لقامار كان لونوخوض 0 Lunokhod ديال لإتحاد السوڤياتي، لي مادارش لمهمة ديالو حيت تهرس بعدما طاح على السطح د لقامار ف فبراير 1969. ف نونبر 1970، لونوخوض 1 ولّا أول روڤر كيمشي على السطح د لقامار و كيتسيّر من لبعد.[2] هاد الروڤر دار تحليل ل التراب د لقامار، و بقى خدام 11 شهر تا حبس التواصل معاه ف 14 شتنبر 1971.[3] النازا تاهيّ ف 1971 و 1972 صيفطات روڤرات ف لمهام د أپولو 15، 16 و 17.[4]
- ^ "Exploring The Planets - Tools of Exploration - Rovers". Air and Space Museum. 2002. مأرشيڤي من لأصل ف 25 يوليوز 2009. تطّالع عليه ب تاريخ 3 يناير 2013.
- ^ "Lunar Lost & Found: The Search for Old Spacecraft". www.space.com. تطّالع عليه ب تاريخ 2009-03-18.
- ^ "Luna 17 and Lunokhod 1". www.zarya.info. مأرشيڤي من لأصل ف 2011-05-15. تطّالع عليه ب تاريخ 2009-08-23.
- ^ "Experiment: Lunar Rover Vehicle". Ares.jsc.nasa.gov. مأرشيڤي من لأصل ف 2009-03-20. تطّالع عليه ب تاريخ 2009-03-18.