شيت
شيت
| ||
| ||
| معلومات عامة | ||
| زيادة | 3874 قبل لميلاد | |
| لموت | 2962 قبل لميلاد (911/912 عام) | |
| لحرفة | نبي | |
| لفاميلة | ||
| لواليد | آدم | |
| لواليدة | حواء | |
| خوت | قابيل، هابيل، أزورا، أقليما و Awan | |
| شريك | أزورا | |
| لولاد | أنوش Noam | |
شيت (ب ليونانية: Σήθ، ب لعبرية: שֵׁתֿ) ف لمندائية، ليهودية، لمسيحية و لإسلام هو تالت ولاد آدم و حواء، و خو قابيل و هابيل، هاد التلاتة همّا لولاد لوحيدين لمدكورين ف كتاب التناخ. و على حساب سفر التكوين 4:25، تولد شيت بعد ما تقتل هابيل، و شكرات حواء الله حيت عطاها بديل على ولدها لمقتول، و تدكر شيت حتا ف لأحاديت النبوية.[1][2][3]
شيت كيتعتابر من الأنبيا ديال ديانة الصابئة المندائية، لي كاتعتابر سمية أقدم ديانة سماوية توحيدية. وهي ديانة عندهوم سبعة لأنبيا هما: آدم، شيتل بن آدم ولا شيث، أنوش، نوح، سام بن نوح، دنانوخ ليهيا إدريس و آخرهم يحيى بن زكريا.[مصدر؟]
علا حساب سفر التكوين، تولد شيت ملي كان عمر آدم 130 عام، و كان تيشبه ل باه آدم. و تڭال بلي آدم ملي مات كان عندو ولاد و بنات، و عمّر 930 عام على الأرض. و على حساب الكتاب المقدس، عاش شيت 912 عام.[مصدر؟]
تيشير راشي (حاخام شلومو يتسحاقي) بلي شيت هو جد نوح، يعني هو بات كل البشر لي هربو من طوفان نوح، تيتشاف شيت بلي هو بديل هبطو رب باش يعوض هابيل، لي قتلو قابيل. تيتڭال بلي آدم علّم ولدو شيت الأسرار لي عطات لقبالة ليهودية. تيشوف كتاب الزوهار بلي شيت هو بات أي واحد صادق و تقي. و على حساب صدر عولام راباه، تولد شيت فالعام 130 وكان عندو 33 ولد و 23 بنت. و على حساب صدر عولام، مات شيت فعام 1042 من تقويم العالم.[مصدر؟]
تيڭول كتاب اليوبيلات على حساب الطقوس الإسكندرية بلي ولادة شيت كانت ف عام 130 ف تقويم لعالم. و على حساب نفس الكتاب، تجوج شيت ختو أزورا لي كانت صغر منو ب ربع سنين، ف عام 231. و ف عام 235، ولدات أزورا ولدها أنوش.
مامدكورش شيت ف القرآن، ولايني دكراتو الأحاديت النبوية و التقاليد الإسلامية بلي هو الولد الثالث ديال آدم و حواء، و تيشاف بلي هو هبة من الله ل آدم ملي صبر على موت ولدو هابيل. دون المؤرخ والفقيه السني بن كثير ف كتابو البداية والنهاية، بلي شيت نبي بحال باه آدم لي هز رسالة الدعوة ملي مات باه للبشرية، و تيتصنف من بين بّاوات ماقبل الطوفان الصالحين من ولاد آدم. و تتشير بعض المصادر بلي شيت تلقى الصحف اللولة المذكورة ف سورة الأعلى من القرآن: إِنَّ هَذَا لَفِي الصُّحُفِ الْأُولَى صُحُفِ إِبْرَاهِيمَ وَمُوسَى و تيذكر الطبري و أئمة خرين بلي شيت دفن آدم و دفن معاه النصوص المقدسة ف قبر آدم.[مصدر؟]
تيبين الأدب الإسلامي بلي شيت تولد ملي فات عمر آدم 100 عام، وبلي آدم عين شيت باش يهز حمل تاع الرسالة و يقود ولاد آدم اللولين. و تذكر ف الرواية الإسلامية بلي شيت جاتو الحكمة وعرف الموعد تاع الطوفان العظيم، و طريقة الصلا د الليل. تيرجع النسب تاع البشرية على حساب اليهودية و المسيحية و الإسلام لشيت، حيث هابيل ماخلا تا ولد، و ولاد قابيل ماتو ف الطوفان العظيم، على حساب الرواية الإسلامية. و تتذكر الروايات بلي بزاف تاع الحرفات التقليدية لإسلامية، تاترجع ل شيت. كاين قبر شيت ف بلدة النبي شيت فجبال واد البقاع ف لبنان، و كاين جامع ب سميتو.[مصدر؟]
- ^ "البداية والنهاية/الجزء الأول/وفاة آدم ووصيته إلى ابنه شيث - ويكي مصدر". ar.wikisource.org (ب لعربية). مأرشيڤي من لأصل ف 2023-10-12. تطّالع عليه ب تاريخ 2022-12-23.
- ^ "The Bezels of Wisdom - 1980, Page 60 by Ibn al-Arabi. - Online Research Library: Questia". web.archive.org. 2018-07-20. مأرشيڤي من لأصل ف 20 يوليوز 2018. تطّالع عليه ب تاريخ 2022-12-23.
- ^ "Al- Bidaya Wal Nihaya - Tareekh Ibn Kathir (البداية والنهاية)". AUSTRALIAN ISLAMIC LIBRARY (ب نڭليزية). مأرشيڤي من لأصل ف 2023-06-09. تطّالع عليه ب تاريخ 2022-12-23.