طيكنولوجيا

الطيكنولوجيا هيا مجموعة د دّوزان و الحيلات لي تايسهلو على بنادم الخدمة ؤلا كيعطيو شي منتوج، فيها الفن التقليدي و العلوم و شلاّ صنايع و معارف. نقدرو نݣولو بلي حتا لّوغة، لفن، لميديطاسيو، ؤ غيرهوم هوما نوع ديال طّيكنولوجيا لپسيكولوجية، لي سمّاها دجون ڤيرڤيكي پسيكوطيكنولوجيا.^[1]

الميكانيك

المرمّى د الدراز تاع يوسف ماري جاكار.

كلمة الميكانيك جايّة من ليونانية لقديمة (Μηχανική) لي تاتعني فن البني ديال المّاكن ^[2] والغرض من الميكانيك هو التّخمام فالتحراك تالحوايج والمساوية تاع الثقل. و تايضهر بلّي تاميكانيكت ^[3] بدات تاتبان فيّامات الإغريق فالبداية د القرن الخامس، و دازت هاد تاميكانيكت من الشرق الوسطاني لعند الإغريق.

السّاس ديال تاميكانيكت هو الحيلات، و من الحيلات اللولانيين ^[4] لي صاوبهوم بنادم كاين الدردوبة، العكّاز، اللوّاية و الرويضة، ومن أقدم الماكن لي صاوبهوم بنادم هوما المّينيكات لّي تايتحركو. وهادي تقريبا ألف عام قبل الزيادة ديال عيسى، صاوبو الفراعنة الماسك تاع الله د الموت أنوبيس لي تايتحرّك فيه الطرف التحتاني ديال الفم .^[5]

الضّو ولّ التريسينتي

التّستيفة ولّ الحجرة تاع ڤولطة.

الضّو ولّ التريسينتي هو التّخمام فالدّوزان و الحيلات لي بيهوم تيتبدّل التحراك تاع الفرتيت المعمّر^[6] لي تايكون فالسلك, هاد الفرتيت تايكون خلوق فالحوايج. وخّا يكونو هاد الحوايج حيّين، جامدين، سايلين ولّ هواويّين، نفس الفرتيت د الضّو غادي يتساقل فيهوم.

فيّامات مابين 1791 و 1800 ڤولطة و غالڤاني تخاصمو ^[7] على واش كاين ضو واحد ولّ كاين جوج نواع د الضّو، غالڤاني تايقول كاين الضّو د البهايم و الضّو د المعدن، و ڤولطة تايقول كاين نوع واحد د الضّو. وبسباب هاد المخاصمة صاوب ڤولطة التستيفة د الضّو ولّ الحجرة د الضّو و بيّن بيها أنه كاين ضو واحد، نفس الضّو كاين فالبهايم، المعدن وشلاّ حوايج.

يمكن يخرج من الضّو ^[8] التّحراك، بحال الموتور د الضّو، و يمكن يخرج من الضّو المسقية (المغناطيس)، بحال الساقتة د الضّو، ويمكن يخرج من الضّو المّاج، بحال لانطير لي تيشد المّاج د الراديو، ويمكن يخرج من الضّو السخونية، بحال الفران والثلاجة، ويمكن يخرج من الضّو الشيمي بحال تشلال المّاعن بالنقرة ولّ الذهب (الپلاكي أور).

الأنفورماتيك

•  مقالة متعمقة: أنفورماتيك

الحسّاب الشينوي، فهاد الحسّاب مكتوب 37,925

الأنفورماتيك هو التّخمام فالدّوزان و الحيلات لي تاتضرب بيهوم الحساب، سميّت هاد الحيلات الخوارزميات، فاللوّل كان بنادم هو لي تايضرب الحساب، من بعد المّاكن هما لي كانو تايضربو الحساب بحال ماكينة جاكار، ودابا الحساسبية ولّ التيليفونات ولّ التّركيبات تاع الإلكترونيك هما لي تايضربو الحساب.

محمد الخُوارزمي جاب من عند الهنود الحروف تاع الحساب^[9] ولي كانت سميتهوم حروف الغبار، و لي بيهوم أي حد يقدر يحسب الجمع، النقصان، الضرب والقسمة. الخُوارزمية د الجمع هي لي تايتعلموها الصغار فالإبتدائي، دخّلها فيبوناتشي الطاليان يامات 1170 من تمّا بدات أوروپا كاملة تتضرب الحساب بهاد الحروف و بالخوارزميات ديال الخُوارزمي.

من الماكينات ديال الحساب كاين ماكينة الأڤيكيثيرا، الأسطرلاب، الحسّاب الشينوي، الپاسكالية و دابا الكالكيلاتريس.

البني

البني هو التّخمام فالدّوزان و الحيلات لي بيهوم يقدر بنادم يصاوب الديور، الباطيمات، القْناطر، القوادس، الطرقان، السكّات، المراصي، الباراجات، الخطّارات و شلاّ حوايج آخرى.

الدّوزان و الحيلات لي بيهوم يقدر بنادم يبني تانسمّيوهوم المعمار ولّ الهندسة المعمارية، الناس لي تايبنيوالدشور ولّ الديور تانسميوهوم البنّاية، و لي تايكون عارف الحيلات تانسمّيوه العريف ولّ الطاشرون ديال البنّاية.^[10] من الحيلات ديال البني المعرفين عندنا الحفرة،السارية, الغار، الخيمة، الحيط، الضّالة و التقويسة، أمّا القوام باش تانبنيو، راه كاين الحجر، الگرابة, البغلي, الياجور، الݣبص، العود و الزليج.

البني المعروف والمشهور، كاين برج بابل ف العراق، أهرام المصريين ف مصر، ضريح أرتيميس ف توركيا، كوليزي ف روما، كاتيدرال سان ماركو ف ڤينيتسيا (البندقية)، كاتيدرال سپاير ف لاليمان(ألمانيا)، نوطخ ضام ف برناطة^[11] (باريس)، الكتبية ف مرّاكش، مانهاتن ف الميريكان.

عيون لكلام

1. "How Psychotechnology Changed Humanity Forever" (ب نڭليزية). 6 دجنبر 2019. مأرشيڤي من لأصل ف 2023-07-09. تطّالع عليه ب تاريخ 3 شتنبر 2019.
2. "أصل كلمة ميكانيك" (ب الفرانساوية). مأرشيڤي من لأصل ف 2023-10-15. تطّالع عليه ب تاريخ 2021-06-20.
3. "البداية ديال تاميكانيكت" (ب الفرانساوية). مأرشيڤي من لأصل ف 2022-12-13. تطّالع عليه ب تاريخ 2021-06-20.
4. "الحيلات اللولانيين د الميكانيك" (ب نݣليزية). مأرشيڤي من لأصل ف 2023-10-13. تطّالع عليه ب تاريخ 2021-06-20.
5. "البداية ديال المّينيكات" (ب الفرانساوية). مأرشيڤي من لأصل ف 2023-06-05. تطّالع عليه ب تاريخ 2021-06-20.
6. "الفرتيت د الضّو" (ب الدارجة المغربية).
7. "الضّو د البهايم و الضّو د المعدن" (ب الفرانساوية). مأرشيڤي من لأصل ف 2022-06-16. تطّالع عليه ب تاريخ 2021-06-20.
8. "يمكن يخرج من الضّو" (ب الفرانساوية). مأرشيڤي من لأصل ف 2022-03-25. تطّالع عليه ب تاريخ 2021-06-20.
9. "الحروف تاع الحساب" (ب الفرانساوية). مأرشيڤي من لأصل ف 2020-12-29. تطّالع عليه ب تاريخ 2021-06-20.
10. "البني" (ب الدارجة المغربية).
11. "باريس بالدارجة الغرناطية يامات بنو حمر" (ب الدارجة و الفصحى). مأرشيڤي من لأصل ف 2021-07-04. تطّالع عليه ب تاريخ 2021-06-20.

تقدر تزيد شوف بزاف د تّصاور و لمعلومات ديال Technology ف ويكيميديا كومنز.