عصير
لعصير (بـنݣليزية: Juice) هو واحد السايل طبيعي فيه لأنسيجا ديال ديسير و لخضرا.[1][2][3] و كيتصاوب لعصير من خلال لعملية إما د التعصار ولا النقيع ديال الديسير الطايب ولا لخضرا بلا حرارة. و كيتصاوب لعصير ف الدار ب لإستيعمال د التعصار ب ليد ولا ب عصّارة.
من أهم الطرقان لي كتتخاد باش يتخزن و يتعالج لعصير كاينين: التعلاب، التبسار، التجماد، التبخار. و ف لغالب لعصير التجاري كيتصفا باش يزول منو اللب و حتا الألياف، و كيكون هاد النوع غالبا ياما مركز ولا مجمد، و كيخص يتزاد عليه لما باش يرجع للأصل ديالو. و ف لغالب كيكون لمداق تاع لعصير لمركز، مختالف شوية على لعصير طازج[تدريج].
من أشهر لعصاير لي موجودة، كاين: عصير التفاح، عصير لتشين، عصير لعنب، عصير لأناناس، عصير ماطيشة، عصير لمانݣو، عصير خيزو، عصير التوت و عصير الرمان. كيتميز لعصير د لفواكه بلي غني بلأملاح لمعدنية، بحال: لكالسيوم، لفوسفور، لماݣنيسيوم، لپوطاسيوم، و لحديد. و عاد زيد هو ساهل ف لهضيم، بسباب داكشي لي فيه من أحماض عضوية عندها قيمة غدائية موهيمة بزاف، شي لي خلاها مفضلة عند صحاب لونطريما. و كينصحو الإختصاصيين ديال التغذية ب لماكلة ديال لعصير د لفواكه لي موجد ف الدار. و عاد ممكن التنويع ف لعصير بتخلاط نواع مختالفة مع بعضياتها ولا زيادة تاع شي مكونات وحدة وخرى، بحال:
حددو لخبراء ديال تغدية أهم نواع د لعصير و لفوائد ديالها، و هي:
- لعصير د اللتشين:
كينصحو بيه للبراهش و للمراهقين لي ف لوقيتة ديال نمو، و كيتنصح بيه حتا فلوقيتة ديال لبريان منبعد تعرض للسخانة ولا لحملة.
- لعصير د التفاح:
كيتعتابر مصدر موهيم ديال طاقة، غني بلألياف، و حتا كيعالج من بزاف ديال لأمراض.
- لعصير د لأناناس:
كيساعد على لهضيم و مفيد بزاف للمعدة، و كيحيد السموم من لجسم، وكيتصحو بيه للناس لي مراض بفقر الدم و صعوبة الهضيم، وهاد لعصير عندو قدرة كبيرة على التفتيت ديال الشحمة، الشي لي كيخليه مفيد بزاف للناس لي مراض بالغلض.
- لعصير د لمشماش: كيتنصح بيه للناس لي مراض ب الضعف و الرقوقية، و حتا الضعف لعقلي، ولي مراض بفقر الدم. وهو مفيد حتا للدراري الصغار، وعندو بزاف ديال لفوايد ف لمكافحة ديال الإيسهال.
- لعصير د حب لملوك:
غني بزاف ب لعناصر لمعدنية، و مقوي ل لمفاصل ديال لجسم، وعاد الشريب ديالو ل مدة كتر من يومين، كيسهل لعملية ديال التحياد د السموم ولفضلات من لجسم.
- لعصير د لحامض:
هو مفيد بزاف للبراهش لي ف لوقيتة ديال النمو، و حتا لمكافحة ديال لأمراض د لبرد و الحملة ف لفصل ديال الشتا.
- لعصير د التوت:
هاد لعصير كيقوي لوظائف د لكبدة و كينظم الجهاز لعصبي، و كينصحو بيه حتا لي مراض بالنقرس (لحريق د لمفاصل) و الروماطيزم، باش يخفف الضران ديالهم.
- لعصير د لعنب:
كيتعتابر من أحسن لعصائر د لفواكه حيت هو كيجرّي على السموم من لجسم، وكينصحو بيه للمرضى ديال لكلاوي و لمصارن و لأمراض د لقلب و لإرتفاع ديال الضغط د الدم، و كيزوّل حتا لإحتقانات د لكبدة و كيخفف الإلتهابات د لجهاز لهضمي، و كيساعد مزيان ف التنظيم ديال الدورة الدموية، و كينصحو بيه للناس لي مراض بشي نواع د لحميات[ماواضحش].
- لعصير د لفريز:
كيولي مرطب و ملين يلا تخلط مع لما، و كيولي قابض[تدريج] يلا تصايب بوحدو. و كيساعد ف لمكافحة ديال الإلتهابات د لحلق و لبلعوم و اللسان.
على حساب لمعلومات ديال وزارة الزراعة لميريكانية، فراه ف كل كاس ديال لعصير د لأناناس (250 ݣرام)، كاين:
- السعرات لحرارية: 132
- الدهون: 0.30
- الدهون لمشبعة: 0
- لكاربوهيدرات: 32.17
- لألياف: 0.5
- ^ "معلومات عن عصير على موقع id.ndl.go.jp". id.ndl.go.jp. مأرشيڤي من لأصل ف 18 مارس 2020.
- ^ "معلومات عن عصير على موقع jstor.org". jstor.org. مأرشيڤي من لأصل ف 27 أبريل 2019.
- ^ "معلومات عن عصير على موقع psh.techlib.cz". psh.techlib.cz. مأرشيڤي من لأصل ف 7 أبريل 2019.