فاآمطاي

فاآمطاي (بالصاموية: Faʻamatai) هو السيستيم لقبلي لقيايدي ديال صاموا، وهو شي حاجة مركزية التنضيم ديال لمجتماع الصاموي.[1] هاد النوع لأصلي التقليدي دلوحكم كاين فصاموا وصاموا لميريكانية. لكلمة كاتركّب من فاآ (fa'a) اللي كاتعني "على طريقة"، ومطاي (matai) اللي جات بلمعنى ديال "سمية لفاميلة، نسب".

الناس اللي عندهوم النسب لعالي أولّأ لمطاي كاتكون ليهوم أهمية كبيرة باش يردو لبال للفاميلات ديالهوم.[2] فاآمطاي هي سيستيم جتيماعي وسياسي اللي كاينضم لحكامة والطريقة دلعيش فالتقافة الصاموية (فاآصاموا، على الطريقة الصاموية). لحالة لمزيانة ديال لفاميلة لكبيرة (أيݣا)، لعسّة ولحماية ديال لحوايج ولغراض ديالها، خصوصا اللرض لعرفية هي حوايج ضرورية فالسيستيم ديال فاآمطاي. 81 فلمية ديال اللرض تمّا هي عرفية (مشاركينها بزاف ديال الناس من نفس لقبيلة)، ولباقي تابع للملكية ديال الدولة و4 فلمية ملكية خاصة.[1]

فلبرلامان ديال صاموا، 47 من أصل 49 مقعد مديورين للصامويين، اللي هوما من لمطاي، اللي كايلعبو جوج ديال لأدوار: دور ديال لقايد لقبيلي ودور ديال السياسي الجديد. دوك الجوج ديال لمقاعد لاخرين مديورين للناس اللي ماشي صامويين.[3] ليحصاء ديال 2006 فصاموا بيّن باللي كاين 15 ألف و783 مطاي من أصل 180 ألف و741 نسمة (8,7 فلمية ديال السكان). 12 ألف و589 منهوم رجال (79,8%) و3.194 منهوم عيالات (20,2%).[4]

تصاور

[بدل | بدل لكود]
  • فلهنداسة لميعمارية ديال صاموا كاينين بلايص ديال لݣلوس تاع لمطاي بحساب لحالة والروتبة والدور ديالهوم
    فلهنداسة لميعمارية ديال صاموا كاينين بلايص ديال لݣلوس تاع لمطاي بحساب لحالة والروتبة والدور ديالهوم
  • وحدة من لأراضي لعرفية اللي فلبلاد
    وحدة من لأراضي لعرفية اللي فلبلاد

مصادر

[بدل | بدل لكود]
  1. ^ a b Fana'afi Le Tagaloa، Aiono (1986). "Western Samoa: the sacred covenant". Land Rights of Pacific Women. Institute of Pacific Studies of the University of the South Pacific. ص. 103. ردمك 982-02-0012-1. تطّالع عليه ب تاريخ 25 فبراير 2010.
  2. ^ White، Geoffrey Miles؛ Lamont Lindstrom (1997). Chiefs Today: Traditional Pacific Leadership and the Postcolonial State. Stanford University Press. ص. 45. ردمك 0-8047-2851-8. تطّالع عليه ب تاريخ 10 يناير 2010.
  3. ^ Drage، Jean (1994). New Politics in the South pacific. Institute of Pacific Studies, University of the South Pacific. ص. 162. ردمك 9789820201156. مأرشيڤي من لأصل ف 2023-07-09. تطّالع عليه ب تاريخ 11 أبريل 2010.
  4. ^ "Final Population and Housing Census 2011". Samoa Bureau of Statistics. يوليوز 2012. مأرشيڤي من لأصل ف 1 يناير 2011. تطّالع عليه ب تاريخ 2 أكتوبر 2012.
Wikimedia Commons تقدر تزيد شوف بزاف د تّصاور و لمعلومات ديال Royalty and chieftains of Samoa ف ويكيميديا كومنز.