فقر
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لفقر هوّ وضعية ولّا حالة كيكون فيها لواحد لي ماعندوش موارد مالية كافية لي كاتغطي لأساسيات ديال لعيش ف واحد لمستوى مقبول.
البنك الدولي عطى تعريف بلي الدول منخفضة الدخل يعني الفقيرة هي الدول لي فيها المدخول ديال كل واحد قل من 600 دولار ميريكاني فالعام. كاينين فلمجموع 45 دولة الأغلبية ديالها فإفريقيا لي كاتّعتابر فقيرة، 15 دولة منها فيها متوسط مدخول كل واحد قل من 300 دولار فالعام. برنامج الإنماء ديال الأمم المتحدة زاد معايير أخرى كاتعبر مباشرة على مستوى رفاهية الإنسان والطريقة باش كايعيش. هاد الدليل وسع الدائرة ديال الفقر بمفهوم النوعية ديال الحياة و غاتولي وسطها 70 دولة من دول العالم، يعني كاين تقريبا 45% من الفقراء كايعيشو فمجتمعات ماشي منخفضة الدخل، بمعنى كاينين فقراء فبلاد الأغنياء. 30 مليون فرد كايعيشو تحـت خط الفقـر فميريكان (15 % من السكان).
فالنص الثاني ديال القرن عشرين، كثرات الهضرة على الفقر والفقراء ف أدبيات الأمم المتحدة، و توسعات من الظاهرة الإجتماعية ف مجتمع واحد، للظاهرة العالمية و تصنفات البلدان لغنية وفقيرة، و تحددات مقاييس ومؤشرات الفقر فالبلدان و حتى الأفراد بالمراعاة ديال النسبيّة، حيت الفقير ف اليمن ما كايتحسبش بنفس المقاييس مع الفقير ف أمريكا الشمالية.
و تدار نهار 17-19 أكتوبر فعام 2008، يوم عالمي للقضاء على الفقر من طرف هيئة الأمم المتحدة. ولكن العدد ديال الفقراء نقص ف عوام 2005 - 2008، ف الهند والشينوا، وهادشي بفضل معدلات النمو العالية لي حققاتها هاد البلدان فالسنوات الفايتة.
مقياس "فقر القدرة" مقابل مع مؤشر التنمية البشرية حيت هو متوسط ديال ثلاثة ديال المؤشرات كاتحاول تحدد الشريحة ديال البشر لي ماعندهاش هاد الخدمات الأساسية: التغذية المزيانة - والصحة - والتعليم.
هي واحد رقم كيتحدد كل عام من طرف لبنك الدولي,و هو مستوى لمدخول اللي إذا كان الواحد كايعيش تحت منو، كايكون من الصعب عليه يلبّي الاحتياجات الأساسية ديالو بحال الماكلة، الشراب، السكنى، والصحة. هاد الخط كايختلف من دولة لدولة حسب تكاليف العيش والمعايير الاقتصادية ديال كل منطقة.
في لمغريب، مثلا، كاين اللي كايعيشو فالفقر المطلق، يعني ما كايقدروش حتى يغطيو لمصاريف الأساسية ديال الحياة، وهادو عادة كايعيشو فالمناطق القروية النائية أو في ظروف حضرية صعيبة. وكاين الفقر النسبي، اللي فيه الناس كايعيشو على مداخيل قليلة بالمقارنة مع باقي السكان، وكيحسو بالهشاشة الاقتصادية، حتى لو قدرو يوفرو بعض الحاجيات.[1]
هاد المفهوم ديال خط الفقر كايستعملوه الحكومات والمؤسسات الدولية باش يحددوا شحال الناس اللي خاصهم مساعدة ويخططو برامج اجتماعية وتحسينات اقتصادية.