فلان
_1938.jpg)
فلان نتوى ديالو فلانة ؤلا شخص والجماعة ديالو ل غاشي، أشخاص ؤلا ناس (بلعربية: شخص ، باللاتينية: Personna) هوّا واحد لمفهوم فلسافي كايمعني على الدات لبنادمية لواعية و اللي قادّة على التخمام . هادشي من جيهة، و من جيهة خرا هيا واحد الدات اللي كادير داكشي اللي بغات وفنفس لوقيتة مسؤولة على فعايلها. هاد الدات لواعية بداتها براصها كاتعتابر شي حاجة اللي مشبكة و ماساهلش باش نعرفو لجوهر ديالها حيتاش داخلين فيها بزاف ديال لبعايد: بيولوجية و پسيكولوجية و مجماعية. بلحق هادي تبرزيطة ؤ خلات بزاف ديال لفلاسفا يحيرو فيها و يسولو على شنوهوّا مول هاد لجوهر.
لفلسافة النݣلوميريكانية خرّجات فهاد اللخر واحد التفريقة بين لمفهوم ديال "بنادم" ؤ "فلان" و بان سّاع باللي هاد تفريقة عندها واحد نتايج كبيرة على الشوفة ديالنا لمسايل اللي كاتعلق بلخصايل لملاح ولا لقباح و اللي خاصها تخلي لفلاسفي يݣر ؤلالا فلحق ديال لمضغة ولا بيجّو فلعيشة( بحال فلمسالة دالجهيض). على حساب لواحد لفلاسفي من لجامعة د كامبريدج سميتو سانجير زمم فكناشو "خصايل مطبقة" جوج تعريفات :
- اللولانية بيولوجية بلبيان ، كاتݣول باللي بنادم هوا واحد لكاين حي، كايتنسب للطاسيلا ديال هوموساپيانز ساپيانز، هاد تامناسبيت كايمكن تكونفيرما بالتبقشيشات اللي تدارو على لكروموزومات ديالو .
- الجاوجة، سانجير عاود فيها تعريفة اللي عطاها الدياني لپروتسطانتي جوزيف فليتشر "الليستة دلورّايا دتابنادميت" وهوما : لواعي و لكونطرول ديال راصو، لمعنى ديال لفايت و الجّاي، ولقدّان على الدخول فعلاقة معا الناس لخرين، لهضرة معا الدّوار(المحيط) ديالو و تافضوليت.
باش يوكد فهامتو لكلمة دفلان، سانجير غادي يتكا على لفلسافة ديال جون لوك اللي كاتݣول باللي " فلان هوا واحد لكاين مطور وكايخمم واللي كايريزوني(عقلاني) و اللي كايعرف راصو كيما راصو ،هوّا نفس الشي اللي كايفكر فزماني ومكاني مبدلين ". داكشي علاش لمضغة و لبيجو و لبرهوش و لمعضّر فعقلو و لمهزوز(لحمق) ماكايتحسبوس كيما فلانات ولايني هوما بنادميا ؤصافي، وزاد عليهوم حتا الناس اللي فلكوما و اللي مشات لميموار ديالهوم .
لحاصول ومافيه ، يلا تبعنا هاد التعريفات اللي تعطاو اللولانية كاتمعني على لمفهوم دبنادم و الجاوجة كاتمعني على لمفهوم دفلان ، نقدرو سّاع نݣولو باللي كاينين بنادميا اللي ماشي فلانات. [1]
|
تقدر تزيد شوف بزاف د تّصاور و لمعلومات ديال People ف ويكيميديا كومنز. |