قلدة كيماوية

تمتيل ف جوج أبعاد د لقلدة لكيماوية ديال پينطوكسيد لفوسفور P4O10

لقلدة لكيماوية (ب النڭليزية chemical structure) ديال موليكيلة هيّ لقلدة ف لفضاء ديال الدرات لي كيكوّنوها و الرابطات بيناتهوم. مول الشيمي كيحدّد لقلدة ديال شي موليكيلة ب تحديد التسطيرة ديالها، و يلا كان مومكين، تا لقلدة لإليكطرونية. لقلدة لكيماوية كاتمتّل ف لعادة ب الصيغية لقلداوية لي كاتبان ب ڭراف مرسوم ديال الدرات (على شكل نقاطي) و الروابط بيناتهوم (على شكل خطوط بساط ؤلا مضوبلين على حساب النوع ؤلا لقوة د الرابطة).[1] لعبار ديال الزوايا ؤلا لقنيتات بينات الروابط تا هيّ تقدر تلعب دور مهم. باش تّحدّد لقلدة لإليكطرونية كيخص يتحددو لوربيطالات (نقدرو تال واحد لحد نشبهوهوم ب لمدارات) ديال لإليكطرونات لي كاينين ف لموليكيلة.[2][3]

أي موليكيلة كيما كانت تقدر مبدئيا تمتّل لقلدة ديالها، من أبسط وحدة بحال تاني لوكسيجين ل أعقد لموليكيلات بحال لپروتينات و لحمض النووي.

لهدف اللولاني ديال لملاقية د لقلدة ديال مركب كيماوي هوّ تحديد الطوپولوجيا ؤلا لپاطيرن و الدرجة د الترابط ديال لموليكيلات و الدرات. لهدف التانوي لي كاتطمح ليه هاد لعملية هوّ تحديد لإحداتيات ف تلاتة د لأبعاد ديال الدرات لي كيكوّنو داك لمركب.[4]

تاريخ

[بدل | بدل لكود]

النضريات ديال لقلدة لكيماوية بداو كيتطورو من 1858، من عند باحتين ف الشيمي بحال ؤڭيست كيكولي، أرشيبالد سكوط كوپر، و أليكساندر بوتليروڤ. هاد النضريات طرحو لفكرة بلي الدرات مامحطوطينش بشكل عشوائي، مي مستّفين ف واحد لقلدة ف لفضاء تلاتي لأبعاد لي يقدر بنادم يدرسها و يحددها و يمتّلها.[5]

طرقان

[بدل | بدل لكود]

صيغة مسرحة مستاوية ديال: 

H - O - H

    H   H   H
    |   |   |
H - C - C - C - H
    |   |   |
    H   H   H

عيون لكلام

[بدل | بدل لكود]
  1. ^ Haaland, Arne. (2008). Molecules and models : the molecular structures of main group element compounds. Oxford: Oxford University Press. OCLC 173809048. ردمك 978-0-19-923535-3.
  2. ^ Weinhold, Frank, 1941- (2005). Valency and bonding : a natural bond orbital donor-acceptor perspective. Landis, Clark R., 1956-. Cambridge, UK: Cambridge University Press. OCLC 59712377. ردمك 0-521-83128-8.CS1 maint: multiple names: authors list (link)
  3. ^ Gillespie, Ronald J. (Ronald James) (2001). Chemical bonding and molecular geometry : from Lewis to electron densities. Popelier, Paul L. A. New York: Oxford University Press. OCLC 43552798. ردمك 0-19-510495-1.
  4. ^ Wells, A. F. (Alexander Frank), 1912- (July 12, 2012). Structural inorganic chemistry (طبعة Fifth). Oxford. OCLC 801026482. ردمك 978-0-19-965763-6. مأرشيڤي من لأصل ف June 26, 2020. تطّالع عليه ب تاريخ June 8, 2023.CS1 maint: multiple names: authors list (link)
  5. ^ 36th congress of the German physicians and scientists 1861