كارتون نيتوورك
كرتون نتورك
| ||
| ||
| لبلاد | ميريكان | |
| اللوغة | نݣليزية | |
| لبت ولعرض | ||
| لبدية | 1 أكتوبر 1992 | |
| نوع الصورة | 480i, 1080i | |
     
| ||
كرتون نتوورك (ب نݣليزية Cartoon Network)، هيّا شبكة تلفزيونية كبيرة، و كتدوز برامج د رّوسوم ديال صغار ؤ لكبار في غاع لعالم، ؤ عندها كتر من 10 لوغات، لي منها لعربية، تأسّات شّركة ف عام 1992 ؤ سّييج ديالها كاين ف لميريكان.
لقناة كدوز بزاف ديال مسلسلات د رّوسوم من أكشن ل كوميديا. بدات سلسلة لأصلية لي نتجاتها لقناة ف عام 1994 مع "Space Ghost Coast to Coast"، و من بعد مسلسلات خرا بحال مختبر دكستر، كليو و شيكو، سي وياسيل، بنات لقوة،اد ادد و ادي، جوني برافو، كوردج لكلب لحمق، وقت لادفنتر، عالم غامبول لواعر ، روبوت بوي، لعم جدي، بن 10 و لعرض لعادي. ف عام 2009، ولات كدوز مسلسلات حركية حية، لي منهم أفلام وارنر بروس و نيو لاين سينما. من غشت 2013، ولات لقناة ف أكثر من 98،671،000 أسرة فميريكان (86.4 ٪ من الأسر لي عندهم تلفازة) .[1] [2] [3]
.svg){kind=logo}
فعام 1991، شرات شركة تيرنر استوديوات ديال هانا-باربيرا ب 320 مليون دولار. ف 18 فبراير 1992، تيرنر دارت اعلان بلي غادي تحل قناة جديدة سميتها
كرتون نتورك ف 1 أكتوبر 1992، و لي غادي تدوز لكرتون ل تيرنر3. أول بث كان فيه غير رسوم كاريكاتوري كلاسيكي لي نتجاتها وارنر بروس في لخمسينات من لقرن لي داز، و حلقات باباي ديال 1957، و رسوم ديال MGM، و رسوم هانا باربيرا 3. فلبدية، كانت لقناة ف نيويورك وفيلادلفيا وواشنطن وديترويت. أول حلقة دازت فقناة كرتون نتورك هي "Rhapsody Rabbit" من برنامج باغز باني 1946، مكانتش كرتون نتورك لوحيدا لكدوز رسوم فداك لوقت كانت حتى نيكلوديون لي بدات من ثمانينات. ف 11 غشت 1991، دوزات نيكلوديون ثلاثة رسومات ناجحين بزاف:"Doug, Ren, Stimpy,Razmoket"، لي بينات لأهمية ديال رسوم لكاريكاتوري فلقناة. ديزني و شركات لي تابعين ليها حيدو رسوم لكاريكاتوري شويا بشويا، بحال شبكة مريكان لي ولات كلها كارتون إكسبريس لي عندها شهرة كبيرة.
.svg){kind=logo}
ف 1 أبريل 2000، طلقات كرتون نتورك قناة جديدة سميتها بوميرانغ (Boomerang)، هي قناة كدوز برامج قديما ديال ثمانينات. و من بعد طلقو Adult Swim مع حلقة من "Home Movies" ف 2 شتنبر 2001. كدوز لفقرة عشية كل سبت و كيعادو ليه كل خميس. Adult Swim كدوز حتا Harvey Birdman: Attorney at Law و Sealab 2021 و Aqua Teen Hunger Force. كرتون نتورك دارت أول فيلم ليها لي سميتو بنات لقوة (The Powerpuff Girls) ف 3 يوليوز 2002. نهار 14 يونيو 2004 مع 6 صباح، بدلات كرتون نتورك شعار ديالها و حيدات رسوم لكاريكاتوري لكلاسيكي و داتو ل قناة بوميرانغ (Boomerang). ف عام 2006 بدلات كرتون نتورك شعار ديالها لشعارCN ثلاثي لأبعاد.
ستقل جيم سامبل لمدير للول ديال لقناة، ف 1 شتنبر 2007، تغير شعار ديال لقناة، و تيم لموسيقي ديال لقناة ولا بأغنية Fall is Just Something That Grown-Ups لي داروها The Hives. من أكتوبر 2007، دوزات كرتون نتورك 40 حلقة من برنامج Fox Kids لي كيتسمى Goosebumps.
فعام 2006، حيدات لقناة بزاف ديال لبرامج لي كيرجع تاريخ ديالها ل تسعينات (مختبر دكستر ، وليه سوبرز ناناس ، و بزاف). ف 20 شتنبر 2008 احتفلت قناة Toonami ب 11 عام ديال لبث، و هي قناة تابعا لكرتون نتورك.
ف 29 ماي 2010 مع 6 صباح، تبدل شعار لقناة و دوزات رسومات جداد Code Lyoko و Regular Show و Sym-Biontic Titan و Ben 10: Ultimate Alien و Adventure Time و Generator Rex و Robotomie. ف 27 دجنبر 2010، ولات فقرة Adult Swim كتعرض ساعة فنهار، و كتبدا من 9:27 د لعشية. ف صيف 2010، دوزات لقناة جوج د لبرامج لجداد : كوردج لكلب لحمق و ولاد جيران، لي دازو فقناة بوميرانغ هو للول. ف أكتوبر 2010، رجعات لقناة"بيلي و ماندي، لمغامرون لي مورا لبحر" بعدما غابو على لقناة عماين. ف 8 نونبر 2010، رجعات لقناة مختبر دكستر بعدما داز ف بوميرانغ. ف 6 ديسمبر 2010، رجعات لقناة بنات لقوة بعد ربع سنين و نص ديال لغياب على لقناة. في عام 2011، دوزات لقناة برنامج عالم غامبول لواعر، دارت هاد سلسلة ضجة حيت هي أول رسوم أصلي أنتجوه كاملو ف استوديو Cartoon Network Europe.
ف 2012، دارت كرتون نتورك اعلان على لبرامج لجداد لي غادي يبداو فلقناة عام 2013 لي منهم "انكل جراندبا، تين تايتنز زيدو، ستيفن يونيفرس (هو أول كرتون دارتو مراة)، أي هيرت تويسداي، كلارنس، تحديات صعيبة، غروجباند،بيوارد باتمان، توم و جيري شو، أساطير تشيما و بنات لقوة.
كرتون نتورك، من بديتها و هي تتحل فروع ديالها فبلدان خرين و ولاو عندها فروع بلغات مختلفة : كانادا ، العالم العربي ، شينوا ، الجاپون ، روسيا ، الطاليان ، فرانسا ، ألمانيا ، البرازيل ... واخا كان فلقمر لاصطناعي و لا من كابل. فأغلب لبلدان كرتون نتورك كتكون مدفوعة .
- كرتون نتورك (ميريكان)
- كرتون نتورك (بريطانيا)
- كرتون نتورك (أفريقيا)
- كرتون نتورك (جمهورية التشيك)
- كرتون نتورك (دانمارك)
- كرتون نتورك (ألمانيا)
- كرتون نتورك (اسبانيا)
- كرتون نتورك (فرنسا)
- كرتون نتورك (ايطاليا)
- كرتون نتورك (هنغاريا)
- كرتون نتورك (هولندا)
- كرتون نتورك (النرويج)
- كرتون نتورك (بولندا)
- كرتون نتورك (البرتغال)
- كرتون نتورك (رومانيا)
- كرتون نتورك (السويد)
- كرتون نتورك (تركيا)
- كرتون نتورك (بلغاريا)
- كرتون نتورك (روسيا)
- كرتون نتورك (العربية)
- عالم غامبول لواعر
- توتال دراماراما
- تران لي مكايتسالاش
- حنا دببة
- بن 10
- بنات لقوة
- كريغ
- كلارنس
- لعرض لعادي
- لجزيرة سحرية
- تفاحة و بصلة
- ثاندركاتس ررر
- فيكتور و فالنتينو
- ال فانغيز
- ديسي سوبر هيرو غيرلز
- وقت المغامرة
- پاور پلايرز
- نينجاڭو
- ماو ماو: أبطال لقلب لبيض
- أوكي كي أو: يلا نكونو أبطال
- سيوف سيحريين
- تين تايتنز زيدو!
- ستيڤن يونيڤرس
- يونيكيتي
- توم و جيري شو
- سوبر نوبز
- سكوبي دو
- باكوجان: باتل بلانيت
|
تقدر تزيد شوف بزاف د تّصاور و لمعلومات ديال Cartoon Network ف ويكيميديا كومنز. |
- ^ "Ted Turner's TNT Exploding Onto the Cable Scene : Television: Network for classic movie buffs expands horizons with its own productions and added emphasis on sports. - Los Angeles Times". web.archive.org. 2020-07-29. مأرشيڤي من لأصل ف 29 يوليوز 2020. تطّالع عليه ب تاريخ 2022-08-08.
- ^ web.archive.org https://web.archive.org/web/20200405153410/20200405153410/https://books.google.com/?id=GgryStxefA4C&printsec=frontcover#v=onepage&q&f=false. مأرشيڤي من لأصل ف 5 أبريل 2020. تطّالع عليه ب تاريخ 2022-08-08. Missing or empty
|title=(معاونة) - ^ web.archive.org https://web.archive.org/web/20200405153412/20200405153412/https://books.google.com/?id=wVWS-ukTSg0C&printsec=frontcover&dq=Prime+time+animation:+television+animation+and+American+culture#v=onepage&q&f=false. مأرشيڤي من لأصل ف 5 أبريل 2020. تطّالع عليه ب تاريخ 2022-08-08. Missing or empty
|title=(معاونة)