كتلة
لكتلة (ب نّݣليزية mass، رشمة m) هوّا مقدار فيزيكي كيعبّر على لمقدار د لمادة ف شي كسدة. ؤ هيّا عبار ديال الصقيل لي نقدرو نفسّروها ب لمقاومة ديال شي كسدة ل لكسيراج (تغيير زّربة ديال لكسدة).[1] لكتلة ديال شي كسدة كاتحدد أيضاً لقوة د لجابدية لي كاتطبّق على كسدات خرين (كلما كانت لكسدة أكتل، كلما كانت كاتجبد ليها كسدات خرين ب قوة كبر). هاد لقوة ماكاتبان بشكل واضح حتا كاتكون لكتلة كبيرة بزاف، بحال ف لحالة د لكواكب ؤ نّجوم.
لعبرة ديال لكتلة ف سّيستيم لعالمي د لعبرات هيّا لكيلوݣرام. ف لفيزيك، لكتلة ماشي هيّا تّقل ؤلا لوزن، وخا لعبار د لكتلة كيعتامد على لعبار د لوزن ب ميزان د روصور، ماشي لميزان د تّعادل لي كيقارن لكتلة د كسدة معا كتلات معروفين د كسدات خرين. تّقل ديال كسدة كاتكون عندو علاقة معا لقوة د لجابدية. متلاً شي كسدة لوزن ديالها 100 كيلو فوق لأرض، غادي يكون لوزن ديالها 16,5 كيلو فوق لقمر، ولاكين لكتلة ديالها ماغاديش تّبدّل، حيت لمقدار د لمادة فيها بقا هوّا هوّا.
- ^ "Mass". لموسوعة لبريطانية (ب نڭليزية). مأرشيڤي من لأصل ف 2023-08-22. تطّالع عليه ب تاريخ 2022-05-13.
 هادي زريعة ديال مقالة خاصها تّوسع. تقدر تشارك ف لكتبة ديالها. |