كريكيت
لكريكت (بـ نّݣليزية: Cricket) هي واحد رياضة جماعية، كيلعبوها جوج ديال لفراقي، و كل فرقة كيكون فيها حضاش لعّاب.[1][2][3] و كتضرب فيها كورة صغيرة بلحجم ديال الشدة د ليد من قيبال شي لعّاب كيتسمى الرامي د لكورة (بـ Bowler)، أما اللعّاب لاخر د لخصم لي كيتسمى الراجل د الراكيطة، فا كيحاول يشد لكورة ب لإستيعمال ديال راكيطة رقيقة كاتشبه لمجداف. و كيتكرز لإنتباه ف لأساس على جوج د لعلامات كيتسماو ويكيت (بـنّݣليزية: Wicket) و هما ڭروب من تلاتة ديال لعصيات لمتاصلة كتسمى جدوعا ديال لكريكت، و كيحاول الرامي د لكورة ينيش عليها باش يطيح جوج طروفا د لخشب متبتين على جدوعا كيتسماو كفالات لكريكت.
كيتعتابر لكريكت وحدة من أعرق الرياضات الإنݣليزية، لي كيختالفو على لبدية ديالها.[4]
و بعكس الإعتقاد لي كيقول بلي كورة هي الرياضة لوطنية ف نݣليز، فراه كاين تجاه خور كيشوف بلي هاد الرياضة تولدات ف لقرن سطاش، ف لوقيتة لي كتافق لمعظم ديال لآراء مع الرأي لي كيقول ب لبدية ديالها على يد شي أطفال د لمزارعين ف لمنطقة ديال ويلد الواقعة بين كينت وسوسكس، ف لعصور الوسطى، وموراها بدات كتنتاشر منبعد للبالغين.
و فعام 1624 مات أول ضحايا ديال هاد لعبة، فاش جات فلاعب جاسبر فينيل ضربة على راسو قتلاتو فلبلاصة فواحد لماتش ديال لكريكيت ف قرية سوسكس.
و فاش قرّبات نهاية د لقرن سبعطاش، نتاشرات لعبة د لكريكت بين لأفراد ديال الطبقة الأرستقراطية ف لوروپ.
- ^ "معلومات عن كريكت على موقع babelnet.org". babelnet.org. مأرشيڤي من لأصل ف 2019-12-13.
- ^ "معلومات عن كريكت على موقع jstor.org". jstor.org. مأرشيڤي من لأصل ف 27 ماي 2019.
- ^ "معلومات عن كريكت على موقع bn.banglapedia.org". bn.banglapedia.org. مأرشيڤي من لأصل ف 28 أغسطس 2018. Check date values in:
|archivedate=(معاونة) - ^ ما هي لعبة الكريكيت؟ مؤرشف 2019-07-17 فموقع وايباك ماشين