كونداساتور

كونداساتورات

الكونداساتور (ب نّݣليزية : Capacitor) هو واحد البيدق ديال الالكترونيك مصاوب من جوج صفايح تيدوّزو الضّو مزيان و مابين الصفايح بجوج صفيحة تانسمّيوها الفرّاق ما كتدوزش الضّو ݣاع. تانكدّسو بالكونداساتور الفرتيت د الضّو الزّايد فصفيحة و تانكدّسو الفرتيت د الضّو النّاقص فالصفيحة المقابلة معاها، و تايتكدّس هاد الفرتيت د الضّو على كٌلّ صفيحة حيثاش تايكون مابين الصفيحات واحد الفرّاق ما تيخلّيش الفرتيت د الضّو يدوز من صفيحة لاّخرى. كاين شلا نواع ديال الكونداساتورات لي تايتباعو فالسوق، يمكن نستفوهوم فخمسة ديال الفاميلات. كاين فاميلة الكونداساتورات لي تايكون فيها الفرّاق ديال الصفيحات مصاوب من الطانطال، و كاينة الفاميلة لي تايكون فيها الفرّاق مصاوب من السيراميك، و كاينة الفاميلة لي تايكون فيها الفرّاق مصاوب من الفيلم د الپلاستيك، و كاينة الفاميلة لي تايكون فيها الفرّاق مصاوب من التخليطة ديال الحامض بالبوريك، و فاميلة جديدة هي لي تنسمّيوها السوپّير ^[1]

تنعبرو العمورية ديال الفرتيت د الضّو بالعبرة ديال الفاراد و تانتكتبو F ، جات من كلمة فاراداي (Faraday) لي هي سميّت واحد البقشاش د الفيزيك نݣليزي. القدر ديال الفاراد هوا قدر العمورية تاع الفرتيت د الضّو، و و هاد العمورية تتسمّى الخزين Capacité تاع الكونداساتور. الكونداساتور تايقدر يعمر بالضّو لي تايكون سارح نيشان (الضّو نيشان Courant Continu DC ) و الضّو لي تايكون غادي جاي (الضّو خيطيبطي Courant Alternatif AC).

الكونداساتور و الضّو نيشان

إل تلقنا واحد الضّو يسرح نيشان فالكونداساتور، غادي تبدا تعمر الصفيحة اللّولة بالفرتيت د الضّو الزّايد، بسباب الفرّاق د الضّو ما غاديش يقدر الضّو الزّايد يدوز لجيهة الصفيحة الثانية، و بسباب الفرّاق د الضّو غادي يخرج من وسط الصفيحة الثانية واحد الفرتيت تانسمّيوه الفرتيت د الضّو الناقص و هاد القاضية تتسمّى الزنيد Induction.

باش نعمّرو (نشارجيو) الكونداساتور خاص يسرح فيه واحد القدر ديال الأمپير فالثانية. مثلا : عندنا كونداساتور تايقدر يخزن جوج ميكروفاراد 2uF، إل بغينا نعمّروه حثّى لمية ڤولط 100V ، و زيّرنا السّارح Courant لي غادي يسرح فيه بواحد ميݣا أوم 1Mohm ، غادي يخصّنا جوج ثانيات باش يعمر بمية ڤولط، يعني غادي يسرح فيه نص العُشُر د الأمپير فالثانية 0,2mA/sec.

فاللول د التّعمار، تايكون الكونداساتور خاوي من الڤولط، تايبدى يسرح فيه السّارح لي جاي من السّاقية ديال الضّو (مثلا حجرة ديال الضّو)، وما حد الكونداساتور تايعمر و الفرق مابين الڤولطاج ديال الحجرة و الڤولطاج ديال الكونداساتور تاينقص، وماحد هاد الفرق د الڤولطاج تاينقص و السّارح حثاهو تاينقص. و ماحد السّارح تاينقص و التّعمار تايفراني، يعني عمّر الكونداساتور غادي يقدر يعمر بمية ڤولط. إنما كون كان السارّح تايبقى ديما صاݣر (ثابت)، كون كان ماتيأثّرش بالفرق دالڤولطاج، كون عمّرنا الكونداساتور فجوج ثواني.

الكونداساتور بالحساب

فالكونداساتور، القياس لي مابين التّعمار (Q) و الڤولطاج (U)، تنعيّطو ليه الخيزانة د الضّو، و تنعبروه بالفاراد (F). تنحسبو العْمارة ديال الضّو (Coulombs) لي تنعمّرو بيه الكوندازساتور بهاد العلاقة :

${\displaystyle Q=C\;U}$

و خصّ تعرف بلّي :

Q هي العْمارة ديال الكونداساتور، العبرة هي كولومب c السّي صغيورة.

C هي الخيزانة ديال الكونداساتور ، العبرة هي فاراد F.

U هو الحمل لّي هازّ الكونداساتور، العبرة هي ڤولط V.

هاد العلاقة تتعني :

باش تعمّر (تشارجي) كونداساتور ديال قدّا C فاراد حثّى ل قدّا U ڤولط، غادي يخصّك تعمّرو بقدّا C ف قدّا U.

الكونداساتورات لي تايتباعو فالسوق

عيون لكلام

1. "االكونداساتور لي من فاميلة التخليطة السوپّير" (ب الفرانساوية). مأرشيڤي من لأصل ف 2023-10-05. تطّالع عليه ب تاريخ 2021-09-18.

تقدر تزيد شوف بزاف د تّصاور و لمعلومات ديال Capacitors ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.