لأرض دالشمال
لأرض دالشمال (بالنݣليزية: Northern Territory) هي وحدة من لأراضي ديال ؤسطراليا. تأسسات نهار 1 يناير 1911 وكاتسمى "لويلاية لفوقانية" (بالنݣليزية: The Top End). ولعاصيمة ديالها هي داروين. لأرض دالشمال فيها تامن أكبر عدد ديال الناس، واللي واصل ل246 ألف دلبشري.[2] لميساحة ديال لأرض واصلة ل1,347,791 كم². لقتيصاد ديال هاد لأرض مبني على التعدين ولپيترول اللي ساهمو مابين 2018-2019 ف23 فلمية ديال لمدخول دلأرض، أولّا 92.4% ديال الصادرات.[3][4]
لبحور ديال لأرض دالشمال واصلين فالطول ديالهوم ل5500 كيلوميطر. لبحور اللي دايرين بلݣزاير كايزيدو واحد 5500 كيلوميطر خرة، ولمجموع كايولّي 11000 كيلوميطر.[5]
لجنوب ديال لأرض ناشف وصحراوي، بحيت جوج من أكبر الصحاري (الصحرا دتانامي - 184,500 كلم² والصحرا دسيمپسون - 176,500 كلم²) كاينين فيها، الشي اللي مخلي بزاف ديال لمحميات ولحدائق لوطنية يتدارو تمّا، بحال أرض أمهيم، تيزي دكاترين ولحديقة لوطنية ديال ليتشفيلد.[6] الشمال لفوقاني فيه الساڤانا بحال ديال إفريقيا، وكاتجيها الشتا من لأعاصير ولمونسون.
كاينين بزاف ديال لڤيلاجات مشتتين فهاد لبلاصة، ولاكين لغالبية ساكنين فالطريق اللي كاتدي من داروين للجانوب ديال لبلاد.
لأرض دالشمال فيها شلّة ديال لويدان اللي كايعمرو وقت لفيضان، واللي مابينهوم واد أليݣيطورز، واد دالي، واد فينك، واد ماكآرتر، واد روپر، واد طود ؤواد ڤيكطوريا. واد ڤيكطوريا هو أكبر واحد فيهوم وكايمشي ل560 كيلوميطر.[7]
لغالبية ديال لأرض مسطحة، وفيها شي سناسل ديال جبولة مامواصلينش بيناتهوم. الجبال لكبار كاينين فلجانوب ديال لأرض (لوسط دؤسطراليا) بحال السناسل دالجبال تاع ماكدونيل وپيتيرمان وهارتس.
أعلى درجة ديال لحرارة تسجلات كانت هي °48.3 إيام 1 و2 يناير 1960. وأقل درجة ديال لحرارة كانت نهار 17 يوليوز 1976 ؤوصلات ل°7.5−.[8]
| الترتيب | لمينطاقة ديال لإحصاء | 2011 السكان[9] |
|---|---|---|
| 1 | داروين | 78,925 |
| 2 | پالمرسطون | 30,098 |
| 3 | أليس سپرينݣس | 28,449 |
| 4 | ليتشفيلد | 20,039 |
| 5 | كاترين | 10,355 |
| 6 | نهولونبوي | 4,383 |
| 7 | تينانت كريك | 3,515 |
| 8 | وادييي | 2,682 |
| 9 | جابيرو | 1,271 |
| 10 | يولارا | 991 |
-
جبل صوندر هو رابع أكبر جبل فلأرض -
لأولورو هي بلاصة مقدسة عند السكان لأصليين دؤسطراليا -
شلالات جيم جيم -
داروين هي لعاصيمة وأكبر مدينة فلأرض دالشمال -
مينة ديال لأورانيوم
- ^ nt.gov.au
- ^ "Australian Demographic Statistics, Mar 2019". 19 شتنبر 2019. مأرشيڤي من لأصل ف 2023-03-27. تطّالع عليه ب تاريخ 19 شتنبر 2019. Estimated Resident Population – 1 March 2019
- ^ "Industries". Northen Territory Economy. Department of Treasury and Finance, Northern Territory Government. 2019. مأرشيڤي من لأصل ف 2023-04-19. تطّالع عليه ب تاريخ 31 غشت 2020.
- ^ "International trade". Northern Territory Economy. Department of Treasury and Finance, Northern Territory Government. 2019. مأرشيڤي من لأصل ف 2023-04-18. تطّالع عليه ب تاريخ 31 غشت 2020.
- ^ Geoscience Australia: Border Lengths - States and Territories. Accessed 6 March 2016.
- ^ "Deserts". Geoscience Australia. مأرشيڤي من لأصل ف 5 دجنبر 2009. تطّالع عليه ب تاريخ 22 ماي 2010.
- ^ "Longest Rivers". Geoscience Australia. مأرشيڤي من لأصل ف 16 ماي 2010. تطّالع عليه ب تاريخ 22 ماي 2010.
- ^ "Rainfall and Temperature Records: National" (PDF). Bureau of Meteorology. مأرشيڤي (PDF) من لأصل ف 2023-03-21. تطّالع عليه ب تاريخ 17 نونبر 2009.
- ^ "3218.0 – Regional Population Growth, Australia, 2011". Australian Bureau of Statistics. 31 يوليوز 2012. مأرشيڤي من لأصل ف 2023-04-19. تطّالع عليه ب تاريخ 29 غشت 2016.
| ويلايات |  | |
|---|---|---|
| أراضي | ||
|
تقدر تزيد شوف بزاف د تّصاور و لمعلومات ديال Northern Territory ف ويكيميديا كومنز. |