لبيسلاما
لبيسلاما
| ||
| ||
| النوع | لوغة، كريولية و لغة حية | |
| تخدام | ||
| اللي كبرو بيها | 10,000 (2011) | |
| كايتهضر بيها ف | ڤانواتو و فرانصا | |
| أصلية ف | ڤانواتو | |
| لخصائيص | ||
| لكتبة | ألفبائية لاتينية و Avoiuli | |
| لوضعية داللوغة | 1 وطنية | |
| لفاميلة داللوغات | ||
| لوغة د بنادم pidgin or creole كريولية English-based creole languages | ||
| لكواض لي كايعرّفو اللوغة | ||
| إيزو 639-1 | bi | |
| إيزو 639-2 | bis | |
| إيزو 639-3 | bis | |
| ڭلوطولوڭ | bisl1239 | |
| إيطنولوڭ | bis | |
لبيسلاما (Bislama) ؤلا لوغة بيسلاما هي لوغة كريول، ؤ وحدة من لّوغات الرسمية ديال ڤانواتو. هي لّوغة لّولة ديال لڤانواتيين ف لمدينات د پور ڤيلا و لوݣانڤيل، ؤ لّوغة تّانية ديال بزاف ديال لمواطنين د لجزر. لكلمات د نّشيد لوطني ديال ڤانواتو، "يُومِي، يُومِي، يُومِي" (Yumi Yumi Yumi)، مكتوبين ب لبيسلاما.
كتر من 95% د كلمات ديال لبيسلاما جاو من نّݣليزية، و كاين تا كلمات من لفرانساوية و من بزاف د لّوغات لخرين ديال ڤانواتو. تّأتير ديال هاد لّوغات صغير ف لڤوكابيولير، ولكن هو كبير بزاف ف لمورفوسانطاكس. لبيسلاما نقدرو نوصفوها فحل لوغة ب ڤوكابيولير نݣليزية و ݣرامير و فونولوجيا أوقيانوسية.[1]
ف سنوات د 1870 و 1880، بزاف د نّاس من لجزر لمحيط لمهدّن كانو مضطرين يخدمو ف لمزارع ف كوينزلاند ف ؤسطراليا، و تا ف فيدجي.[2] حيتش هم كان كيهضرو ب بزاف د لوغات، بداو كيعادلو وحد لوغة پيدجين، اللي كتكومبيني لڤوكابيولير د نݣليزية ب لݣرامير من لّوغات ديالهم.[3] هادي هي كيفاش صبحت مشي غير لبيسلاما، ولكن تا لّوغات د توك پيسين ف پاپوا غينيا الجديدة و لپيجين ديال جزر صالومون. هذ لكريول بديت كتجي ل لأرشيپيل ديال ڤانواتو ملّي نّاس لّي كان كيخدمو ف لمزارع رجعو ل لجزر ديالهم.
الديكسيونير لّول ديال لبيسلاما خرج ف 1995.[4]
سّمية د لبيسلاما جات من لكلمة "بيتش-لا-مار" ("Beach-la-Mar")، من لكلمة لفرانساوية د لخيارة د لبحر، "بيش دي مير" ("biche de mer" ؤلا "bêche de mer")، اللي جات بحدو من لكلمة لبرتغالية "بيشو دو مار" ("bicho do mar").[5] سّمية د لّوغة ب لفرانساوية هو ل"بيشيللامار" ("Bichelamar").
- ^ .See Camden (1979)
- ^ Emma Christopher, Cassandra Pybus and Marcus Buford Rediker (2007). Many Middle Passages: Forced Migration and the Making of the Modern World, University of California Press, pp 188–190. ISBN 0-520-25206-3
- ^ .Tryon & Charpentier (2004), & Crowley (1990)
- ^ .Crowley (1995)
- ^ .bêche-de-mer", American Heritage Dictionary, 2000"
|
تقدر تزيد شوف بزاف د تّصاور و لمعلومات ديال Bislama ف ويكيميديا كومنز. |