لطيفة أخرباش

لطيفة أخرباش
معلومات عامة
زيادة 20 يوليوز 1960 (64 عام)
تطوان
لجنسية لمغريب
لحرفة سياسية و صحافية
لّوغات لي كيعرف عربية
معلومات خرى
لأعمال
لجوايز


لطيفة أخرباش (مزيودة ف 20 يوليوز 1960 ف تطوان) هيا سياسية ؤ صحافية مغريبية. شغلات مناصب ف مؤسسات إعلامية ؤ حوكومية، منها منصب ديال كاتيبة دولة ف حوكومة لفاسي، ؤ مناصب ديپلوماسية كا سافيرة د لمغريب ف عاداد د لبلدان.

لكاريير

[بدل | بدل لكود]

خدات لباك ديالها ف 1978 ف شعبة د صيونص ماط ف مراكش، ؤ دارت لقراية لجاميعية ديالها ف لمعهد لعالي د صّحافة ف رّباط، ؤ موراها لمعهد لفرانساوي د صّحافة ف فرانسا لي تابع ل جاميعة پاري 2، فين خدات دّوكتورا ديالها.[1]

بدات لطيفة أخرباش لكاريير ديالها كا صحافية ف جّورنال ليومي المغرب ف 1981، ؤ موراها ف مجلة لاڤي إيكو من 1991 تال 1995. من 1993 تال 2000 كانت مومتيلة ديال لمغريب ف رّيزو لأورومغاربي د تّكوين ف خدامي د تّيصال لي دارتو لّجنة لؤروپية. كانت أيضا ف لفترة مابين 1992 و 1999 شادة منصب ديال مستشارة د مشروع ف مؤسسة فريديريش ناومان، و نشّطات بين عامي 1990 و2003 ورشات و دورات ديال تّكوين ف مجال تّيصال. كانت ؤستادة ف لمعهد لعالي د لإعلام و تّيصال، ؤ ف 10 شتنبر 2003 عيّنها لماليك محمد سّادس موديرة ديال نفس لمعهد. من 2005 تال 2007، كانت موديرة تحريرية ديال جورنال لأمل، لي كان جورنال جيهاوي كيصدر ب دّاريجة ف سلا.[2][3] ف مارس 2007، ولّات موديرة د لإداعة لمغريبية.[1]

مابين 15 أكتوبر 2007 ؤ 2012 كانت كاتيبة د دّولة ف ويزارة لخارجية ف لحوكومة ديال عباس لفاسي. ف 2013 ولات سافيرة د لمغريب ل بلغاريا، ؤ ف 2016 سافيرة د لمغريب ف تونس.[1] ف 3 دجنبر 2018، تعيّنات أخرباش موديرة ديالت لهيأة لعالية د تّيصال سّمعي لباصاري.[4]

لالة أخرباش مجوجة ؤ عندها تلاتة د لوليدات.[4]

مصادر

[بدل | بدل لكود]
  1. ^ a b c "من هي السيدة لطيفة أخرباش السفيرة الجديدة للمملكة المغربية بتونس" (ب لعربية). 13 أكتوبر 2016. مأرشيڤي من لأصل ف 2021-12-25. تطّالع عليه ب تاريخ 2021-12-25.
  2. ^ "Actualité : La "darija" ou correctement la langue marocaine sort ses griffes". lavieeco.com (ب لفرانساوية). 9 يونيو 2006. مأرشيڤي من لأصل ف 2023-04-11. تطّالع عليه ب تاريخ 2021-12-25.
  3. ^ زكية عراقي سيناصر (2014). "L'essor de l'arabe dialectal au Maroc". ف Olivier Durand؛ Angela Daiana Langone؛ Giuliano Mion (إيديتورات). Alf lahga wa lahga (ب نڭليزية ولفرانساوية). LIT Verlag Münster. ص. 195. ردمك 3643903340.
  4. ^ a b "حوار ومسار .. أخرباش تواجه القضايا الشائكة" (ب لعربية). 10 دجنبر 2021. مأرشيڤي من لأصل ف 2021-12-26. تطّالع عليه ب تاريخ 2021-12-26.


هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.