مزاح

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
مزاح
مزاح
معلومات عامة
سمية لعيلمية Eriobotrya japonica
(جون لندلي، 1821)
لخاصية د ترتاب نوع
تابع ل بشملة
معلومات خرين
لكائن مصدر ديال Eriobotryae Folium
*Eriobotrya japonica flower extract
*loquat
ستيعمالات نباتات طبية
*فاكهة
*خشب


المزاح (السمية لعلمية: إيريوبوطريا جاپونيكا Eriobotrya Japonica) هي واحد الشجرة دايمة الخضورة اللي كاتزرع ب طريقة تجارية ؤلا ف الديور على ود التمرة الليمونية ديالها اللي كاتشبه للمشماش. كاين اللي كايشرب حتى الوراق ديالها ف أتاي.

المزاح كايناتمي ل عائلة الورديات Rosaceae ؤ أصلو من جنوب وسط الشينوا.[1][2] فالجاپون المزاح كايعيطو ليه بيوا (枇杷, びわ) ؤ كانو كايزرعوه من هادي 1000 عام. المزاح ف وقتنا ولا كايتزرع ف ݣاع البلايص اللي عندهم مناخ علاين-إستوائي ؤلا عندهم مناخ معتادل.[3]

التمرة

[بدل | بدل لكود]

التمرة د المزاح (مفرد: المزاحة) على غير العادة، هي من بينات التمار اللي النوّار ديالها كايبان ف الخريف ؤلا بداية الشتا ؤ الغلة ديالها كاتتمر ف أي وقت من بداية الربيع تال بداية الصيف.[4] النوّار ديال المزاح كايكون بيض ؤ الوسع ديالو 2 سم، ؤ كايكونو فيهم خمسة البتلات ؤ اللي كاينوضو ف عثكول يابس د تلاتة تال عشرة د النوّارات. النوّار ديالو عندو ريحة حلوّة ؤ مجهدة اللي ممكن تشمها من بعيد.

الفاكهة د المزاح كاتنوض ف عناقد ؤ الشكل ديالها كايكون ؤڤال، مضورة، ؤلا بحال الشكل د الخوخ، الطول ديالها 3 تال 5 سم، ؤ القشرة ديالها كاتكون رطبة ؤ اللون ديالها غالبا ليموني ؤلا صفر بحال اللون د المشماش ؤ بعض المرات كاتكون شي شوية حمرة.

كولّة مزاحة كايكونو فيها من واحد تال عشرة د البويضات، ؤ على الغالب كايكونو من تلاتة تال خمسة.[5] بزاف من دوك البويضات كايتمرو ؤ يوليو علفات قهويين كبار.

تصاور

[بدل | بدل لكود]
ڤيديو د شجرة المزاح
  • التشريح د تمرة المزاح
    التشريح د تمرة المزاح
  • العبار د تمرة المزاح
    العبار د تمرة المزاح
  • شجرة د المزاح تامرة
    شجرة د المزاح تامرة
  • النوّار د شجرة المزاح
    النوّار د شجرة المزاح

مصادر

[بدل | بدل لكود]
  1. ^ "Loquat Fact Sheet". UC Davis College of Agricultural & Environmental Sciences. مأرشيڤي من لأصل ف 2021-02-25. تطّالع عليه ب تاريخ 2023-06-01.
  2. ^ "Flora of China". efloras.org. مأرشيڤي من لأصل ف 2022-09-27. تطّالع عليه ب تاريخ 2023-06-01.
  3. ^ "Eriobotrya japonica (Thunb.) Lindl". gbif.org. مأرشيڤي من لأصل ف 2023-09-20. تطّالع عليه ب تاريخ 27 أبريل 2020.
  4. ^ "Loquat – Fruit Facts". California Rare Fruit Growers, Inc. مأرشيڤي من لأصل ف 2020-07-01. تطّالع عليه ب تاريخ 1 أبريل 2017.
  5. ^ "Loquat". Hort.purdue.edu. مأرشيڤي من لأصل ف 2023-10-03. تطّالع عليه ب تاريخ 8 ماي 2013.
هادي زريعة ديال مقالة خاصها تّوسع. تقدر تشارك ف لكتبة ديالها.