هايتي

هايتي (ب لفرانساوية: Haïti - ب لكريول: Ayiti) هي بلاد جات ف لكاريبي، و تاتقاسم لجزيرة ديال هيسپانيولا مع لجمهورية د الدومينيكان. هايتي تاتحدّها الدومينيكان من الشرق، و لبحر د لكاريبي من ݣاع الجوايه لاخرا. هايتي عندها تالت أكبر مساحة ف لمنطقة د لكاريبي، و أكبر عدد ديال السكان (فيها تقريبا 11.4 مليون د الناس).^[1]

هايتي بلاد عندها تاريخ خاص. كانت لجزيرة اللي هي فيها (هيسپانيولا) هي أول بلاصة وصل ليها كريسطوف كولومبوس ف 1492، و دار فيها قاعدة عسكرية صبليونية. صبانيا كانت هي أول بلاد حتلاّت هايتي من الدقّة اللولا اللي وصلاتليها، و لكن ف 1626 خداتها منّها فرانسا، و ما عتارفات صبانيا بهاد لإحتلال تا 1679. ف لوقت اللي تستعمرات فيه هايتي، جابو ليها لأوروپيين بزاف د لعبيد و خدّموهم ف لفلاحة. ف 1791، ف وسط التورة لفرانساوية، تارو لعبيد لأفارقة على لفرانساويين، و هرّسو لمزرعات و لمدن. بقات التورة ديالهم تال عام 1803، اللي غلبو فيه لجيش د فرانسا، و ف 1 يناير 1804 ستاقلات رسميا لجمهورية ديال هايتي، اللي كانت أول جمهورية كحلا ف لعالم، و تاني بلاد ستاقلات ف النص لغربي د لكرة لأرضية، مورا لميريكان.

لعاصمة ديال هايتي هي پور ؤ پرانس (لمرسى د لأمير) و اللغات الرسمية اللي فيها هي لفرانساوية و لكريول ديال هايتي. لفلوس اللي كاتخدّم ف لبلاد هي ل ݣورد.

تقدر تزيد شوف بزاف د تّصاور و لمعلومات ديال Haiti ف ويكيميديا كومنز.

عيون لكلام

^ "Britannica, Haiti". مأرشيڤي من لأصل ف 2023-09-15. تطّالع عليه ب تاريخ 2023-02-22.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "Britannica, Haiti". مأرشيڤي من لأصل ف 2023-09-15. تطّالع عليه ب تاريخ 2023-02-22.

[1]