ويكيپيديا:تصنيف
التصنيف هوّ نوع ديال الصفاحي د ويكيپيديا لي كيخدمو بشكل خاص، بحيت كيبانو فيهم صفاحي خرين ديال ويكيپيديا لي عندهم شي حاجة مشتاركة بيناتهم. تا تّصنيفات براسهوم كيكونو عندهوم تصنيفات ف لعادة.
ف صّفحة ديال شي تصنيف كاتبان ليستة د صّفاحي لي كاينين ف داك تّصنيف، ولاكين هاد لّيستة ماكاتكونش مكتوبة تماك، حيت التصنيف كيتّكتب ف الصفاحي لي كينتاميو ليه ماشي العكس.
التصنيفات كيكوّنو شجرة حيت كلا تصنيف كيكونو تحت منو و فوق منو تصنيفات.
كيفاش
[بدل لكود]تصايب تصنيف جديد
[بدل لكود]التصنيفات كيتصاوبو بحال جميع الصفاحي. يلا كنتي ديجا زدتي التصنيف ف شي صفحة، و الصفحة ديال التصنيف باقية ماكايناش، كليكي على الليان الحمر ديالها ف التحت ڭاع ديال الصفحة لي نتا فيها، باش تصايب الصفحة ديال التصنيف. عمّر ب تصنيفات فوقانية (متلا "تصنيف:لمغريب" هيّ براسها كاينة ف "تصنيف:بلدان د إفريقيا")، و صوڤي الصفحة.
يلا بغيتي تصايب الصفحة نيشان، دخل سميتها ف صندوق التقلاب الفوق (ماتنساش الپريفيكس "تصنيف:" ف البدية د العنوان)، و كليكي على الليان الحمر لي غادي يبان ف الصفحة د التقلاب.
مورما تصايب الصفحة ديال التصنيف، ماتنساش تربطها ب المقابلات ديالها ف لوغات خرين يلا كانو موجودين.
تزيد/تحيّد تصنيف ل شي صفحة
[بدل لكود]- باش تزيد صفحة ل شي تصنيف خاص تزيد داك تّصنيف ف ديك صّفحة نيت ب هاد شّكل [[تصنيف:سمية د تّصنيف]].
- باش تحيّد صفحة من شي تصنيف، سير ل ديك الصفحة، و قلّب على لموضع فين كاين داك التصنيف مكتوب على شكل [[تصنيف:سمية د تّصنيف]] و حيّد هاد الكوض من الصفحة و صوڤي.
- كيانة طريقة سهل باش تزيد/تحيّد/تعدّل تصنيف ب تخدام الڭادجي هوط كات HotCat. سير ل معاونة:Gadget-HotCat باش تعرف كيفاش تفعّل و تخدم ب هاد الڭادجي.
تدير الليان ديال الصفحة د تصنيف ف صفحة خرة
[بدل لكود]يلا بغيتي باش تحيل ل صّفحة د تّصنيف براسها (ماشي تزيد صّفحة لي نتا فيها ل داك تّصنيف) خاص تكتب هاكا [[:تصنيف:سمية د تّصنيف]] يعني تزيد رمز د جوج نقاطي قبل من لعنوان د تّصنيف.