حصن بابليون
| ||||
|---|---|---|---|---|
 | ||||
| البلد |  | |||
| التقسيم الادارى | محافظة القاهره | |||
| احداثيات | 30°00′22″N 31°13′47″E / 30.0061°N 31.2297°E | |||
| ||||
تعديل  |
||||
| ||||
|---|---|---|---|---|
| ||||
| البلد | | |||
| التقسيم الادارى | محافظة القاهره | |||
|
| ||||
| إحداثيات | 30°00′22″N 31°13′47″E / 30.0061°N 31.2297°E | |||
| تعديل |
||||
حصن بابليون فى القاهره القبطيه عند محطة مار جرجس لمترو الأنفاق و كان الامبراطور تراچان امر ببناه فى القرن التانى الميلادى فى عهد الاحتلال الرومانى لمصر ، و عمل فيه ترميمات وتوسيعات و قواه الامبراطور الرومانى اركاديوس فى القرن الرابع حسب رأى العلامه مرقس سميكه باشا. و حصن بابليون (قلعة تراچان) ده غير القلعه القديمه اللى كتب عنها استرابو المؤرخ و كان موقعها فى جنوب قصر الشمع جنب دير بابليون الحالى .[1]
المنطقة اللى فيها الحصن جزء من حى مصر القديمه بيتسمى القاهرة القبطية, و هى اصل القاهرة و بالفعل اقدم جزء من المدينة ، و بقايا الحصن هى اقدم المبانى الاصليه السليمه فى القاهرة.
الاسم
[تعديل]
بابليون حسب كلام المؤرخين كان اسم عاصمة بلد مجاور , و لكن فيه احتمال ان بابليون يرتبط بالاسم القديم بر-حابى-ن-ايونو (بيت النيل فى هيليوبوليس ) اللى كان مركز عبادة حابى اله النيل فى هيليوبوليس .
المكان
[تعديل]المصريين القدام عرفو تقريبا من البداية ان المنطقه على حدود الوجهين البحرى و القبلى و الممالك اصلا بين دولتين مستقلتين, و ده خللا المكان اعظم المواقع الاستراتيجية فى كل مصر. و بطبيعة الحال ،ممفيس القديمة , جنوب القاهرة دلوقتى , اتوجدت على الاقل من بداية توحيد الممالك ، واعتبرت "مركز اتزان الارضين" ( شوف : بابليون )
بنا حصن بابليون
[تعديل]أستعمل فى بنا حصن بابليون حجاره أتاخدت من معابد فرعونيه و أتكملت بالطوب الاحمر مقاسه 30/20/15 سم
وقع حصن بابليون فى ايد عمرو بن العاص بعد حصار دام حوالى سبع شهور فى سنة 641.اختار عمرو ابن العاص مكان صحراوى يعتبر عسكريا موقع استراتيجى شمال حصن بابليون و بنا فيه مدينة الفسطاط فوق كذا تله بيحدها جبل المقطم من الشرق ووراه الصحرا ، والنيل من الغرب ، ومخاضة بركة الحبش من الجنوب ، وهما مانعين طبيعين. بنى عمرو بن العاص مدينة الفسطاط كمدينه حصن و فيها حصن بابليون عشان تبقى مدينه للعسكر العرب.
آثار الحصن
[تعديل]بيعرف الحصن الرومانى بقصر الشمع او حصن بابليون ، ومساحته حوالى نص كيلومتر مربع ، و جواه المتحف القبطى وست كنايس قبطيه ودير.
تسمية الحصن بقصر الشمع جايز سببه انه فى اول كل شهر كان بيتولع الشمع فوق برج من ابراج الحصن اللى ، فكان لما تظهر عليها الشمس و يعرف الناس بتوليع الشمع بانتقال الشمس من برج للتانى.[2] لكن المحتمل ان الاسم متحرف للعربى من حصن " خيمى " يعنى حصن مصر [3] ، و باقى من مبانى الحصن الباب القبلى و برجين كبار ، و أتبنى فوق واحد من البرجين على الجزء القبلى منه الكنيسة المعلقة - كمان اتبنى فوق البرج اللى عند مدخل المتحف القبلى كنيسة مار جرجس الرومانى للروم الأرتودكس (الملكيين)، اما باقى الحصن ، و على باقى السور فى بعض أجزاؤه من الجهه الشرقية والقبلية والغربية اتبنت كنايس - المعلقة - و أبو سرجة - ومار جرجس - والعذراء قصرية الريحان - ودير مار جرجس للراهبات - والست برباره - ومعبد لليهود [1]
شوف كمان
[تعديل]مصادر
[تعديل]- ↑ أ ب http://www.coptichistory.org/new_page_1683.htm المرجع غلط: وسم
<ref>غير صالح؛ الاسم "coptichistory" معرف أكثر من مرة بمحتويات مختلفة. - ↑ "Archive copy". Archived from the original on 2009-02-06. Retrieved 2008-07-29.
{{cite web}}: CS1 maint: archived copy as title (link) - ↑ جمال الدين الشيال ، تاريخ مصر الاسلاميه ، دار المعارف ، القاهرة2000، ج1/32
