حمورابى
| ||||
|---|---|---|---|---|
 | ||||
| معلومات شخصيه | ||||
| الميلاد | سنة 1810 ق م | |||
| الوفاة | سنة 1750 ق م [1] | |||
| ابناء | سمسو ايلونا | |||
| الاب | سن موبالات | |||
| معلومات تانيه | ||||
| المهنه | ملك ، وملك | |||
| اللغات المحكيه او المكتوبه | اكديه (لغه) | |||
| اعمال بارزه | قوانين حمورابى | |||
تعديل مصدري - تعديل  | ||||
حمورابى (اتوفى حوالى سنة 1750 قبل الميلاد) ملك كلدانى، استلم ملك بابل من 1792 ق.م ل1750 ق.م. بقى ملك بابل بعد ما اتنازل ابوه "سن مبلط" عن العرش و مد سيطرة بابل على ميسوبوتاميا (منطقة مابين النهرين) بعد انتصاره فى سلسله من الحروب ضد الممالك اللى جنب بابل و قبل وفاته كان قدر يسيطر على كل ميسوبوتاميا.
اشتهر حمورابى بالقوانين اللى اتعرفت بإسم "قوانين حمورابى" اللى بتعتبر من اول القوانين اللى اتكتبت فى العالم. اتنقشت القوانين على حجر طوله حوالى مترين و نص و اتعثر عليه فى خوزستان فى ايران سنة 1901 عن طريق عالم المصريات جوستاڤ جيكويه Gustav Jéquier و معروض دلوقتى فى متحف اللوفر فى باريس.
استمرت فتره حكمه لحد 43 سنه قدر فيها انه يعلى ببابل من دويله صغيره لعاصمه كبيره وابتدا تشريعاته اللى خلدت اسمه فى السنه التانيه من حكمه, وخلد كتبته اسمه فى السنه التانيه فى تسميه سنتها باسم سنه"اقرار العداله فى الارض".وقرر حمورابى من البدايه توحيد ميسوبوتاميا تحت زعامته سواء يالسلم او بالحرب, وطرد النفوذ العيلمى من جنوب المنطقه.وسجلت حولياته اخبار جهوده للسيطره على مدن اوروك واسين ومالجى ورابيكوم و غيرها و كان اهم منافسه فى ميسوبوتاميا هو ريم سين اللى اصله عيلامى اللى فضل منافس له لحد السنه التلاتين من حكم حمورابى وعبر عن كده واحد من اتباع ملك دويله مارى لما قال فى رسالته مفيش ملك واحد ممكن يتقال عنه انه اقوى الكل, ففى عشره او خمستاشر حاكم بيتبعوا حمورابى (ملك بابل) وزى العدد ده بيتبعوا ريم سين (ملك لارسا) وزيهم بيتبعوا ابعلل ايل (ملك اشنونا)..."
- ↑ http://datos.bne.es/resource/XX1006536 — تاريخ الاطلاع: 1 يونيه 2020